Elvar og Laufi svífa á svellinu

Mjúkísmótið fór fram laugardaginn 13. febrúar s.l. en það er keppni  sem fram fer á Holtstjörninni í Seyluhreppi hinum forna og hafa þeir einir keppnisrétt sem eiga land að tjörninni. Fjöldi manns fylgdist með spennandi keppni í rjómablíðu.

Keppnin er bæði einstaklings- og liðakeppni og fjölgaði um eitt lið frá því í fyrra þar sem Sigurjón í Holtskoti mætti með keppnislið í fyrsta sinn í ár.

Lið Elvars og Fjólu hreppti hið glæsilega Dúddabein

• Úrslit dagsins urðu þessi.
• Í liðakeppninni:
• 1.sæti: Syðra-Skörðugil (Elvar& Fjóla)
• 2.sæti: Ytra-Skörðugil Ingimar Ingimarsson
• 3.sæti: Halldórsstaðir
• 4.sæti: Syðra-Skörðugil (Einar & Sólborg)
• 5.sæti: Syðra-Skörðugil (Eyþór & Dísa)
• 6.sæti: Holtskot

Sigurvegarar í einstaklingskeppninni: Magnús Bragi, Katarina og Elvar.

• Í einstaklingskeppninni:
• 1.sæti:  Magnús Bragi Magnússon á Vafa frá Ysta-Mói
• 2.sæti:  Katharina á Kóng frá Lækjamóti
• 3.sæti:  Elvar Einarsson á Laufa frá Syðra-Skörðugili

Fjöldi manns mætti til að taka þátt í gleðinni

Einnig var keppt í gerð vísubotna en þar tókust liðin á í orðasnilld en lið Ingimars Ingimarssonar vann þessa keppni með glæsibrag og var það Páll Dagbjartsson sem átti báða botnana sem beðið var um.

Halldór í Brimnesi tilgreinir úrslit mótsins.

Veitingar voru í boði húsmæðra á bæjunum bæði fyrir og eftir keppni í Sundahöllinni þar sem verðlaunaafhendingin fór fram. Þulur mótsins var Gunnar Rögnvaldsson og dómarar voru þeir Halldór Steingrímsson og Bjarni Maronsson.

Nánar verður sagt frá mótinu í næsta Feyki.

Aldeilis góður félagsskapur hér á ferðinni. Elisabeth Jansen, Þórarinn Eymundsson, Magnús B. Magnússon og Guðmundur Valtýsson

Lið Elvars og Fjólu

Lið Ingimars Ingimarssonar

Lið Bjarna Bragasonar

Lið Einars Einarssonar

Lið Sigurjóns Ingimarssonar

Eyþór Einarsson skýtur hér af teygjubyssu í bráðabana en þannig fengust úrslit ef menn stóðu jafnir eftir útreikninga dómara.