Púttin æfð á Hamri og Hafnarfjallið í baksýn.

Sigurður Jóhann Hallbjörnsson, Siggi Jói, og Örn Sölvi Halldórsson voru kampakátir að morgni og enn kátari er líða tók á daginn og sól hækkaði á lofti.

Létt yfir mannskapnum í byrjun, hér má m.a. sjá Soffíu Daníels hans Bigga Guðjóns, Sigurgeir Þórarinsson, Mallý Har, Ingu Jónu Stefánsdóttur og Reyni Pálsson úr Fljótunum og Hjördísi Sigurjóns hans Kidda Blöndal, allt meira og minna miklir briddsarar auk hæfileika á golfvellinum.

Kári Valgarðsson fjölmennir jafnan á Skagfirðingamótið með sitt lið og hér er hann ásamt hluta af fjölskyldunni; börnum og tengdabörnum.

Hjónakornin Ingileif Oddsdóttir og Sævar Steingríms á tali við Villa Agnars sem kom og heilsaði upp á gamla sveitunga.

Mótsformaðurinn Gunni bakari ber sig vel með pútterinn góða.

Atli Freyr Sveinsson og Vigfús Vigfússon vígalegir og klárir í slaginn við 5. brautina.

Atli Freyr fór hamförum í einni glompunni á 6. braut og vildi helst láta moka yfir hana og tyrfa!

Hofsósingar klárir á 2. braut, Broddi Þorsteins, Þorsteinn Þorsteins og kona hans Jónína Helga Jónsdóttir, og Guðni S. Óskars hennar Rósu Þorsteins.

Kári Valla og fjölskylda slaka á að móti loknu.

Broddi Þorsteins, Guðbjörg Hólm, Þorsteinn Þórsson og kona hans, Elísabet Böðvarsdóttir, Guðni Óskars, Jónína Helga og Þorsteinn Þorsteins.

Birgir S. Bjarnason í fríðum kvennahópi, fv Kristbjörg Kemp, Ragnheiður Matthíasdóttir, Edda Traustadóttir, Gunnlaug Hartmanns og Herdís Sæm.

Börn Guðjóns Ingimundar og tengdabörn hafa sjaldan verið fleiri á Skagfirðingamóti, f.v. Soffía Daníelsdóttir, Birgir, Ingibjörg, Björn Sigurðsson, Sigurður og Svanborg. Dóttir Bigga og Soffíu mætti einnig og sigraði i kvennaflokknum.

Bræðurnir Sigurður og Ragnar Marteinssynir ásamt konum sínum, Guðrúnu Árnadóttur og Sigríði Önnu Guðjónsdóttur, sem var í símanum að ræða við son þeirra Ragga sem komst ekki á mótið að þessu sinni.

Ólafur Árni Þorbergsson lýsir einu höggi sínu fyrir Guðmundi Ragnars og Halldóri dómara Halldórssyni.

Frímann Guðbrands bíður pollrólegur eftir úrslitunum ásamt fleirum góðum Skagfirðingum.

Kylfingar nutu sólarinnar suður undir húsvegg á Hamri á meðan verið var að undirbúa verðlaunaafhendingu.

Sigurfinnur Sigurjóns og Haffi Begga í heitum samræðum um golfið og Jóney Kristjánsd hans Fúsa Agnars fylgist sposk með.

Að þessu sinni voru veitt vegleg verðlaun fyrir fæstu punktana og þessa vafasama heiðurs nutu tengdabörn Möggu í Blómabúðinni, þau Vigfús Vigfússon og Edda Traustadóttir, hér með golfenglamyndir eftir Sjöfn Sigfúsdóttur, systur Fúsa Agnars.

Stefán Örn Guðmundsson Skagfirðingamótsmeistari 2010 tekur við bikarnum úr hendi Sólrúnar Steindórs.

Sólrún Steindórs, Gunni bakari og Fúsi Agnars stóðu í ströngu í verðlaunaafhendingu og nutu aðstoðar frá Auði hans Frímanns Guðbrands við úrdráttinn góða.

Gunnar Þ. Guðjónsson, Gunni bakari, mótsformaður ásamt tveimur gömlum iðnjöfrum á Króknum, Þórði Hilmarssyni í Steinullinni og Birgi Bjarnasyni í Loðskinni.