Eitt súkkulaðidagatal á sólarhring
Einar Finnsson datt í lukkupottinn sem ungur drengur og súkkulaðidagatölin fóru að verða hvers barns eign fyrir jólin. Móðir hans misskildi eitthvað í upphafi og hélt að hvert dagatal – með 24 hólfum, ætti við hverja klukkustund sólarhringsins og keypti því 24 dagatöl handa syni sínum. „Nú síðan hef ég haldið þessum góða sið og alltaf keypt mér 24 dagatöl af Læons,“ sagði Einar við Dreifarann.
En Einar viðurkennir að þetta sé farið að verða meira mál en þegar hann var ungur. „Það er nú ekkert auðvelt að vakna á klukkutíma fresti yfir nóttina til að fá sér súkkulaði og þurfa að bursta alltaf á eftir. Næturnar verða nokkuð erilsamar eins og gefur að skilja, en þetta eru bara 24 dagar fram að jólum og ég vil endilega halda í þessa hefð sem skapaðist hjá mér sem ungum dreng.“
Seinni árin hefur maginn eitthvað verið að mótmæla öllu þessu súkkulaðiáti. „Læknirinn minn hefur pínu áhyggjur af þessu súkkulaðiáti í mér í desember, hann segir þetta ekki gott fyrir magann en tannlæknirinn segir að þetta sé allt í lagi svo framarlega sem ég bursti tennurnar eftir hvern mola, sérstaklega á nóttunni. Ég fæ yfirleitt í magann svona um 3-4 leytið á nóttunni og verkurinn hverfur ekki fyrr en ég hef fengið mér morgunverðinn,“ segir Einar að lokum.
En hvað með hans börn? „Nei þau fá bara venjulegt dagatal, einn mola á dag. Ég er ekki hlynntur miklu sælgætisáti barna og þau verða bara að skilja það“! sagði Einar að lokum.
Feykir.is | 18.5.13 | 16:20
Þeir miklu erfiðleikar sem margir bændur á Norður- og Austurlandi eiga við að glíma vegna mikilla snjóa sem enn hylja tún þeirra hafa vakið athygli og bændur annarsstaðar á landinu hugsað hlýlega til þeirra. Hvort það hjálpi til við hlákuna … lesa meira →
Feykir.is | 17.5.13 | 15:49
Framundan er viðhald á tveimur sundlaugum í Skagafirði, sundlauginni á Sauðárkróki og sundlauginni á Hofsósi. Þær verða því báðar lokaðar vegna viðhalds dagana frá mánudeginum 27. til miðvikudagsins 29. maí og opna síðan samkvæmt áður auglýstum opnunartíma fimmtudaginn 30. maí.
Feykir.is | 17.5.13 | 14:56
Kvennakór Akureyrar sækir Blönduós heim þann 25. maí næst komandi en þá heldur kórinn sína fyrri vortónleika í Blönduóskirkju kl 15:00. Síðari vortónleikarnir verða daginn eftir þann 26. maí í Menningarhúsinu Hofi á Akureyri. Báðir tónleikarnir hafa yfirskriftina „Sólin þaggar … lesa meira →
Feykir.is | 17.5.13 | 14:54
Á sunnudaginn mun sumaráætlun Strætó taka gildi, eins og sagt er frá í fréttatilkynningu frá fyrirtækinu. Gildir hún til 14. september í haust. Nánari upplýsingar og leiðarvísir helstu leiða fyrir Vestur- Norðurland er að finna á heimasíðu Strætó. Helstu breytingar … lesa meira →
Feykir.is | 17.5.13 | 14:31
Sauðárkrókur er annar áfangastaður Háskólalestarinnar vorið 2013. Lestin hefur viðkomu á Króknum í dag 17. maí og á morgun, 18. maí. Meðal annars verður boðið upp á leiftrandi vísindaveislu fyrir alla fjölskylduna. Föstudaginn 17. maí sækja nemendur úr efri bekkjum … lesa meira →
Feykir.is | 17.5.13 | 11:19
Tindastóll spilar fyrsta heimaleik sinn í 1. deildinni þetta sumarið laugardaginn 18. maí. Vegna aðstæðna á Sauðárkróksvelli er ekki nokkur leið að spila leikinn á Króknum og verður hann því leikinn í Boganum á Akureyri og munu Stólar og Völsungar … lesa meira →
Feykir.is | 17.5.13 | 11:04
Ný stjórn var kosin á aðalfundi Hagsmunasamtaka heimilanna í fyrrakvöld, að því er fram kemur í fréttatilkynningu frá samtökunum. Á fundinum var samþykkt ályktun þar sem skorað er á sveitarstjórnir í landinu að stemma stigu við nauðungarsölum og öðrum fullnustu … lesa meira →
Feykir.is | 17.5.13 | 10:01
Í fréttatilkynningu á Húnahorninu kemur fram að skólaslit Tónlistarskóla Austur-Húnvetninga og afhending prófskírteina fyrir skólaárið 2012-2013 fara fram í Blönduóskirkju laugardaginn 18. maí n.k. kl. 15:00. Fram koma nemendur sem hafa lokið stigsprófum og nemendur 10. bekkja sem kveðja skólann. … lesa meira →
