feykir.is | Í matinn er þetta helst | 31.3.12 | 8:05

Æðislegur heimalagaður ís

Nú fáum við gómsætar uppskriftir frá þeim Sigurjóni Guðmundssyni og Guðríði Ólafíu Kristinsdóttur á Blönduósi og er þar á ferðinni villibráðarkryddað lambalæri með góðri rjómasósu og ávaxtasalati og í eftirrétt er boðið upp á heimalagaðan ís sem ætti að kæta bragðlaukana.

Aðalréttur:
Villibráðarkryddað lambalæri:

  • 1 meðalstórt lambalæri
  • 1 tsk season-all
  • 1 tsk thymian
  • 1 ½  tsk fines-herbes eða villikrydd
  • ¾  tsk tarragon (dragon)

Blandið kryddinu saman og jafnið utan á lærið sem búið er að þerra vel. Sett í steikingarpoka og steikt í ofni við 150°C í u.þ.b. 1 ½  klst.

Rjómasósa:

  • 1 tsk súpukraftur
  • ¼  tsk sítrónupipar
  • ½  tsk season-all
  • 2 msk tómatsósa
  • 1 tsk sósulitur
  • ¼  l rjómi

Hellið soðinu af lærinu í pott (síið ekki). Opnið pokann og glóðið kjötið við 250°C í 5-10 mín. Setjið sósupottinn á hita og stráið hveitinu yfir soðið. Hrærið í með þeytara, bætið við kryddinu, tómatsósunni og sósulitnum út í og látið sjóða í 2-3 mín. við vægan hita. Ef sósan er of bragðdauf má bæta örlitlu jurtakryddi út í. ( á mínu heimili er mikið sósufólk þannig að ég geri 2falda sósuuppskrift)

Meðlæti:

  • Kartöflubakstur:
  • 7-800 gr kartöflur
  • 150 gr 26% gouda-ostur
  • 1 dl rjómi
  • 1 dl mjólk
  • 1 tsk salt
  • ½ tsk svartur pipar
  • 1 tsk laukduft

Flysjið hráar kartöflur og skerið í jafnar sneiðar, u.þ.b. ½ sm. að þykkt. Raðið sneiðunum í smurt eldfast mót. Blandið saman rjóma, mjólk, rifnum osti og kryddi og hellið yfir kartöflurnar. Bakið við 180°C í u.þ.b. 1 klst.

Ávaxtarjómasalat:

  • ½ dós kokkteilávextir
  • 1 kiwi
  • 1 banani
  • ¼ l þeytirjómi (G-rjómi)

Þeytið rjómann og blandið niðurbrytjuðum ávöxtum út í. Berið fram kalt með kjötréttum. Ekki er ráðlegt að búa salatið til löngu fyrir notkun.

Eftirréttur:
Æðislegur ís:

  • 6 eggjarauður
  • 1 bolli púðursykur
  • ½ l þeyttur rjómi
  • 1 tsk vanilludropar
  • 100 gr. Toblerone smátt brytjað

Eggjarauður og púðursykur þeytt vel saman, svo rest blandað útí og fryst.

Heit sósa:

  • 4 stk mars
  • 1 peli rjómi
  • 100 gr. súkkulaði

Allt í pott við lægsta hita í ½ klst. Og ef vill salthnetur með á ísinn.

Verði ykkur að góðu


Athugasemdir eru á ábyrgð þeirra sem þær skrá. Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.

Feykir.is | 31.8.15 | 9:32

Blanda slær Íslandsmet

Veitt í Víðidalsá. Mynd: Höskuldur B. Erlingsson.

Heildarveiði í Blöndu sem af er sumri er komin í 4.303 laxa en Landsamband veiðifélaga birtir vikulega nýjar tölur um laxveiði úr helstu laxveiðiám landsins og voru þær nýjustu birtar á miðvikudaginn var. Vikuveiðin í Blöndu var 286 laxar en … lesa meira


Feykir.is | 29.8.15 | 20:54

Flott mæting og mikil stemming á Uppskeruhátíð

Frá Uppskeruhátíð barna og unglingastarfs Golfklúbbs Sauðárkróks. Ljósm./gss.is

Uppskeruhátíð barna og unglingastarfs Golfklúbbs Sauðárkróks var haldin í gær. Samkvæmt heimasíðu golfklúbbsins var flott mæting og mikil stemming.  „Byrjað var á því að taka létt „speed-golf“ mót áður en uppskeruhátíðin sjálf hófst. Að því búnu var farið í golfskálann … lesa meira


Feykir.is | 29.8.15 | 20:13

Siglufjarðarvegur lokaður vegna skriðufalla

Siglufjarðarvegur er lokaður vegna skriðufalla. Mynd/Vegagerðin

Siglufjarðarvegur er lokaður vestan við Strákagöng vegna skriðufalla, samkvæmt vef Vegagerðarinnar. Í frétt á Vísi.is segir að starfsmenn Vegagerðarinnar vinni hörðum höndum að því hreinsa veginn sitthvoru megin við Strákagöng. „Þetta er margra daga vinna að hreinsa þetta upp. Það … lesa meira


Feykir.is | 29.8.15 | 14:22

Byggðasafn Skagfirðinga í BBC

Starfsmenn Fornleifadeildar BSk og MÍ við störf í Keflavík á Hegranesi, ásamt Þóreyju Jónsdóttur bónda. F.v. Þórey Jónsdóttir bóndi, Guðmundur St. Sigurðarson og Bryndís Zoëga sérfræðingar hjá BSk, Þór Hjaltalín minjavörður NLV og Guðný Zoëga deildarstjóri Fornleifadeildar BSk.

Tökulið frá sjónvarpstöðinni BBC var statt hér á landi í sumar til að taka upp heimildaþátt sem ber vinnuheitið „Leyndarmál víkinganna“. Að sögn Guðnýjar Zoëga hjá fornleifadeild Byggðasafns Skagfirðinga fréttu þáttagerðarmenn BBC af byggðasögurannsókn byggðasafnsins í Hegranesi og höfðu samband. … lesa meira


Feykir.is | 29.8.15 | 14:07

Bifhjólaslys í Gyltuskarði

Lögreglan

Bifhjólaslys varð í Gyltuskarði í Skagafirði laust fyrir hádegi í dag. Að sögn lögreglunnar á Norðurlandi vestra var ökumaður hjólsins staddur þar ásamt 30 manna hóp á krossurum þegar hann féll af hjóli sínu og viðbeinsbrotnaði.   Gyltuskarð er á … lesa meira


Feykir.is | 28.8.15 | 11:49

Þjófnaður í Glaumbæ

Glaumbær í Skagafirði. /BÞ

Brotist var inn í gamla torfbæinn í Glaumbæ í Skagafirði og stolið 20 þúsund krónum úr peningakassa safnsins. Verknaðurinn átti sér stað á milli kl. 20 í gærkvöldi og 7:30 í morgun, samkvæmt Facebook-síðu Byggðasafns Skagfirðinga. Þá var lás á útidyrum … lesa meira


Feykir.is | 28.8.15 | 10:45

Starfsemi Birkilundar færð í húsnæði Varmahlíðarskóla

Varmahlíð Skagafirði

Staða húsnæðismála Varmahlíðarskóla og leikskólans Birkilundar í Varmahlíð var tekin til umræðu á fundi byggðaráðs Svf. Skagafjarðar í gær. Í fundargerðinni kemur fram að byggðaráð sé á þeirri skoðun að færa eigi starfsemi leikskólans Birkilundar í húsnæði Varmahlíðarskóla og að … lesa meira


Feykir.is | 28.8.15 | 9:49

Þjóðarsáttmála um læsi

Það er gott að lesa. Skjáskot úr myndbandi við lag Ingó veðurguðs sem gefið var út í tilefni Þjóðarsáttmála um læsi.

Haustið 2015 mun mennta- og menningarmálaráðuneyti í samvinnu við sveitarfélög og skóla vinna að Þjóðarsáttmála um læsi með það að markmiði að öll börn geti við lok grunnskóla lesið sér til gagns við lok grunnskóla. Illugi Gunnarsson mennta- og menningarmálaráðherra … lesa meira