Mótmæla hækkun virðisaukaskatts á sölu gistingar
Byggðarráð Skagafjarðar samþykkti á fundi sínum sl. fimmtudag bókun þar sem fyrirhugaðri skattahækkun á gistingu er harðlega mótmælt. Telur ráðið að aðgerðirnar muni m.a. leiða til samdráttar í ferðaþjónustu í landinu.
Bókun byggðaráðsins er eftirfarandi:
„Byggðarráð Sveitarfélagsins Skagafjarðar mótmælir harðlega áformum ríkisstjórnar Íslands um að hækka virðisaukaskatt sem lagður er á gistingu úr 7% í 25,5%
Fjöldi fólks um land allt byggir með beinum og óbeinum hætti afkomu sína á sölu gistingar og ferðaþjónustu. Stjórnvöld hafa fram til þessa sýnt vilja til þess að reyna að auka veg greinarinnar og því skýtur þessi algjöri viðsnúningur mjög skökku við.
Hækkun virðisaukaskattsins mun leiða til samdráttar í greininni, fækkunar ferðamanna sem leggja leið sína hingað til lands, lækkunar tekjuskattsgreiðslna og fækkunar starfsfólks. Ávinningur ríkisvaldsins verður því minni en enginn.
Er með öllu óásættanlegt að ríkisstjórn Íslands hlaupi upp til handa og fóta í viðleitni til að fegra fjárlög á kosningavetri og vegi með því að atvinnugrein sem er í sókn um land allt og hefur ekki síst skipt máli á landsbyggðinni. Þá hafa stjórnvöld haldið uppi mjög villandi umræðu um mikinn vöxt í greininni á landsvísu og þá flaggað tölum af suðvesturhorninu til réttlætingar á ofursköttum á greinina. Hið rétta er að mikill munur er á milli landshluta. Á Norðurlandi hefur verið hægur en mikilvægur vöxtur í gistinýtingu og framboði á gistirými. Ef þessi skattlagning verður að veruleika er hætta á að slegin verði út af borðinu mikilvæg verkefni sem hafa verið í burðarliðnum í landshlutanum.
Byggðarráð Sveitarfélagsins Skagafjarðar skorar á fjármálaráðherra og ríkisstjórn Íslands að falla með öllu frá fyrirhuguðum hækkunum virðisaukaskatts á hótel- og gistiþjónustu.“
Feykir.is | 19.5.13 | 15:05
Í ársreikningi fyrir sveitarsjóð og stofnanir Sveitarfélagsins Skagastrandar kemur fram að rekstrarniðurstaða samstæðunnar var neikvæð um 134,7 m.kr. en árið 2011 var hún jákvæð um 17,6 m.kr. Tapið er til komið vegna framlags til hitaveituframkvæmda sem gjaldfært er í ársreikningnum. … lesa meira →
Feykir.is | 19.5.13 | 14:47
Góðir gestir heimsóttu Sauðárkróksvöll í gær en þá mættu fulltrúar frá KSÍ og sérfræðingar um knattspyrnuvelli til að skoða völlinn sem svo sannarlega hefur munað sinn fífil fegurri. Gestirnir tóku sýni og veltu hlutunum fyrir sér ásamt starfsmönnum sveitarfélagsins og … lesa meira →
Feykir.is | 19.5.13 | 14:42
Lið Tindastóls mátti sætta sig við jafntefli í fyrsta heimaleiknum í 1. deildinni sem fór fram í Boganum á Akureyri í gær. Andstæðingurinn var Völsungur frá Húsavík og varð niðurstaðan 1-1 jafntefli. Húsvíkingar byrjuðu leikinn betur og fengu vítaspyrnu eftir … lesa meira →
Feykir.is | 19.5.13 | 12:53
Hátíðarmessur og fermingar einkenna helgihald á Norðurlandi vestra um Hvítasunnuna, líkt og venja er. Samkvæmt upplýsingum úr Sjónhorninu og Glugganum eru neðantaldar guðsþjónustur í Austur-Húnavatnssýslu og Skagafirði í dag. Í Þingeyrarklausturkirkju var fermingarmessa í morgun þar sem eitt barn var … lesa meira →
Feykir.is | 19.5.13 | 12:26
Meistaraflokkur Tindastóls kvenna í knattspyrnu beið lægri hlut fyrir Fylkisstúlkum í fyrsta leik sínum í 1. deildinni þetta tímabilið. Leikið var á Fylkisvellinum í strekkingsvindi sem þær norðlensku léku á móti í fyrri hálfleik. Fyrirfram var búist við mjög erfiðum … lesa meira →
Feykir.is | 18.5.13 | 16:20
Þeir miklu erfiðleikar sem margir bændur á Norður- og Austurlandi eiga við að glíma vegna mikilla snjóa sem enn hylja tún þeirra hafa vakið athygli og bændur annarsstaðar á landinu hugsað hlýlega til þeirra. Hvort það hjálpi til við hlákuna … lesa meira →
Feykir.is | 17.5.13 | 15:49
Framundan er viðhald á tveimur sundlaugum í Skagafirði, sundlauginni á Sauðárkróki og sundlauginni á Hofsósi. Þær verða því báðar lokaðar vegna viðhalds dagana frá mánudeginum 27. til miðvikudagsins 29. maí og opna síðan samkvæmt áður auglýstum opnunartíma fimmtudaginn 30. maí.
Feykir.is | 17.5.13 | 14:56
Kvennakór Akureyrar sækir Blönduós heim þann 25. maí næst komandi en þá heldur kórinn sína fyrri vortónleika í Blönduóskirkju kl 15:00. Síðari vortónleikarnir verða daginn eftir þann 26. maí í Menningarhúsinu Hofi á Akureyri. Báðir tónleikarnir hafa yfirskriftina „Sólin þaggar … lesa meira →
