Á fundi hreppsnefndar Húnavatnshrepps kom fram að alls bárust 196 athugasemdir við aðalskipulag Húnavatnshrepps. Athugasemdir um að Húnavallaleið sé ekki á aðalskipulaginu voru samtals 190, þar af voru 164 algjörlega samhljóða, en í 26 athugasemdum komu fram mismunandi áherslur varðandi Húnavallaleið.

Hreppsnefnd Húnavatnshrepps lýsti á síðasta fundi  áhyggjum sínum yfir því að farsímakerfi NMT hafi verið  lokað frá og með 1. sept. 2010 og þar með sé ekkert farsímasamband í stórum hluta sveitarfélagsins.

180 athugasemdir bárust vegna aðalskipulags Blönduósbæjar 2010-2030 og áttu þær allar við Húnavallaleið. Engu að síður féllst Skipulags-, byggingar- og veitunefnd Blönduósbæjar ekki á þær  athugasemdir að gert verði ráð fyrir Húnavallaleið í Aðalskipulagi Blönduósbæjar 2010-2030.

Það verður lítið lát á blíðunni næstu daga en næsta sólahringinn gerir spáin ráð fyrir hægri austlægari átt, skýjuðu veðri og úrkomulitlu. Léttir heldur til í dag og skýjað með köflum á morgun. Hiti 12 til 20 stig en heldur svalara á morgun.

 Vilko á Blönduósi hefur nú hafið framleiðslu á nýju kryddi sem hannað er sérstaklega fyrir popp. Poppsaltið ber keim af osta- og smjörbragði og bragðið þykir minna á gamla góða bíópoppið.

Á annan hátt er unnið að hvalreka nú á dögum en áður fyrr. Þá var hnífum og sveðjum beitt á hvalinn og hann skorinn niður í hæfilega hluta svo hægt væri að flytja hann heim á hestum eða gangandi. Þá var allt nýtt nema ef til vill beinin. Og þó … dæmi eru um að [...]

Það verður ekki annað sagt um leik Hvatar og KS/Leifturs en að annað liðið sótti til sigurs en hitt til að landa einu stigi. Leikmenn Hvatar voru mun meira með boltann og sköpuðu sér mun fleiri opin færi í leiknum en inn vildi boltinn ekki og því sættust liðin á skiptan hlut. Hvöt er því [...]

Dæmigerður ferðalangur á Hveravöllum er Frakki eða Þjóðverji, 26-35 ára gamall, skipulagði ferðina sjálfur, ferðaðist um á bílaleigubíl með vinum eða fjölskyldu, var að koma til Hveravalla í fyrsta sinn og gisti eina nótt. Atvinnuþróun SSNV, í samstarfi við Vaxtarsamning Norðurlands vestra, ásamt starfsfólki Hveravallafélagsins, framkvæmdi sumarið 2009 spurningakönnun meðal ferðafólks á Hveravöllum um þjónustuna [...]

Menningarráð Norðurlands vestra ákvað að hafa tvær úthlutanir á árinu 2010, með umsóknarfrestum um verkefnastyrki til og með 15. mars og nú 15. september og af því tilefni  verður Menningarfulltrúi Norðurlands vestra með eftirfarandi viðtalstíma:

Gengi Hvatarliðsins hefur verið gott í sumar í 2. deildinni í knattspyrnu og er farið að sjá fyrir endann á góðu tímabili hjá þeim. Á morgun verður liðið í baráttu við KS/Leiftur á heimavelli.

Á síðasta fundi sveitarstjórnar Skagastrandar var tekið fyrir bréf Samvinnunefndar um Svæðisskipulag Austur Húnavatnssýslu er varðar breytingu á Svæðisskipulagi Austur Húnavatnssýslu 2004-2016. Á auglýsinga- og kynningartíma bárust athugasemdir frá 4 aðilum.

Þriðjudaginn 31. ágúst fóru unglingarnir í Blönduskóla í gönguferð með umsjónarkennurum sínum. Er þetta annað árið sem farið er í svona ferð, í fyrra var gengið á Spákonufell. Að þessu sinni var gengið upp frá Ystagili í Langadal og sem leið lá upp í Vatnadal.

Bæjarráð Blönduósbæjar hefur óskað eftir skýrslu frá framkvæmdanefnd um byggingu sundlaugar á Blönduósi þar sem gerð verði grein fyrir einstaka kostnaðarliðum.

Blönduósbær hefur gert samning við Blönduóskirkju þess efnis að Blönduósbær styrki Blönduóskirkju sem nemur fasteignagjöldum kirkjunnar ár hvert og sumaropnun kirkjunnar sem nemur kr. 150.000.

 
Jóhanna Sigurðardóttir, forsætisráðherra, hefur tilkynnt breytingar á ríkisstjórn. Út fara þau Kristján Möller, Álfheiður Ingadóttir, Gylfi Magnússon og Ragna Árnadóttir. Í þeirra stað koma Guðbjartur Hannesson og Ögmundur Jónasson inn í ríkisstjórnina.
Jóhanna tilkynnti ákvörðun sína á þingflokksfundi og flokksstjórnarfundi Samfylkingarinnar á Hótel Loftleiðum.
Klukkan 11:30 hefst ríkisráðsfundur á Bessastöðum þar sem ný ríkisstjórn tekur formlega til [...]

Sú ákvörðun sjávarútvegsráðherra að gefa ekki út aflamark í úthafsrækju á komandi fiskveiðiári er ólögleg samkvæmt lögfræðiáliti sem unnið hefur verið fyrir Landssamband íslenskra útvegsmanna og ráðuneytinu hefur verið kynnt.

 Útivistartími barna og unglinga styttist í dag en frá og með deginum í dag og fram í maí mega börn 12 ára og yngri aðeins vera úti til klukkan átta á kvöldin. Unglingar á aldrinum 13 til 16 ára mega vera úti til klukkan tíu.

Flóamarkaður verður haldinn í Djásnum og dúlleríi á Skagaströnd, laugardaginn 4. sept. frá kl. 14.00. – 18.00. Fólk er hvatt til að drífa sig í að taka aðeins til í geymslum og skápum og  gefa gömlum munum og fötum nýtt líf  hjá nýjum eigendum?

Í dag lokrar Síminn NMT kerfinu sem hefur í áratugi þjónað öryggishlutverki bæði til sjós og lands. Byggðasafnið á Skógum fær NMT senda til varðveislu.

Hjá SAH Afurðum hefur verið tekin sú ákvörðun að hækka verðskrá sauðfjárafurða og er það gert í ljósi þess að kjör félagsins voru orðin nokkuð lakari heldur en annarra stærri sláturleyfishafa á landinu.