Feykir.is

Mótun fyrstu háskólasamstæðu landsins

Wed, 03 Jun 2026 15:11:00 +0000

" />

Alþingi hefur samþykkt lög sem heimila Háskóla Íslands og Háskólanum á Hólum að sameinast í háskólasamstæðu. Lögin taka gildi 1. júlí 2026 og marka stór tímamót, þar sem um er að ræða fyrstu háskólasamstæðu landsins. Með breytingunni verður Háskólinn á Hólum sjálfstæður aðildarháskóli undir heitinu Háskóli Íslands á Hólum.

Útskriftarnemar fluttu sjö tónlistaratriði

Wed, 03 Jun 2026 12:06:00 +0000

NEMENDUR AÐ SINGJA SKÓLASÖNG ÁRKSÓLA" />

Í gærkvöldi var Árskóla slitið þegar 42 nemendur útskrifuðust úr skólanum. Tíundu bekkingar voru kvaddir með veitingum frá níunda bekkingum og fallegri athöfn í íþróttahúsinu á Sauðárkróki.

Tilkynning frá Vegagerðinni

Wed, 03 Jun 2026 11:02:00 +0000

Ræsi 1 " />

Siglufjarðarvegur 76 Útblönduhlíð verður lokaður vegna ræsagerðar fimmtudaginn 4. júní 2026. Lokað verður við Syðstu Grund að sunnan en við Narfastaði að norðan. Frá klukkan 08,00 og fram eftir degi.

Áframhald sameiningarviðræðna samþykkt

Wed, 03 Jun 2026 10:32:00 +0000

" />

Mikill meirihluti svarenda í könnun Öldunnar, Samstöðu og Verslunarmannafélags Skagafjarðar var hlynntur því að halda áfram samningaviðræðum félaganna varðandi sameiningu þeirra. Kosningu lauk síðastliðið sunnudagskvöld.

Ráðhús Húnabyggðar formlega tekið í notkun

Wed, 03 Jun 2026 09:26:00 +0000

Ráðhús Húnabyggðar var formlega opnað fyrir síðustu helgi að vistöddum fjölda gesta. Fram kemurá heimasíðu Húnabyggðar að viðamikil dagskrá var í ráðhúsinu nýja í tilefni af opnuninni en að henni lokinni bauð sveitarfélagið íbúum í létta grillveislu og fólk gat einnig skoðað ráðhúsið og Skjólið sem er félagsmiðstöð ungmenna Húnabyggðar.

Arnar á leið í land með hátt í 20 þúsund kassa

Wed, 03 Jun 2026 09:13:00 +0000

Myndina, sem sýnir vel rjómablíðuna, tók Emil Sigurður Magnússon, skipverji á Júlíusi Geirmundssyni…" />

Arnar HU 1 er væntanlegur í land á Sauðárkróki í nótt með 552 tonna afla og löndun er fyrirhuguð í fyrramálið. Samkvæmt frétt á heimasíðu FISK Seafood þá samanstendur aflinn, sem telur rúmlega 19.200 kassa, af um 247 tonnum af gullkarfa, um 130 tonnum af ýsu, um 102 tonnum af þorski og um 69 tonnum af ufsa. Verðmæti aflans eru rúmar 320 milljónir.

Ársrit USVH komið út

Wed, 03 Jun 2026 08:01:00 +0000

Rakel Ósk Ólafsdóttir formaður USVH veitir Húna viðtöku frá þeim Guðmundi Hauki Sigurðssyni, Þorbjö…" />

Fertugastiogsjöundi árgangur Húna, ársrits Ungmennasambands Vestur-Húnvetninga, er kominn út. Birtar eru fréttir síðasta árs úr öllum „gömlu sveitarfélögunum“ sem mynda Húnaþing vestra og minnst þeirra sem létust á síðasta ári á svæðinu. Einnig eru í ritinu frásagnir, ljóð og annar fróðleikur úr héraði.

Það var messað í Fellskirkju

Tue, 02 Jun 2026 14:35:00 +0000

Kirkjugestir ræða málin. MYNDIR: KRISTÍN SIGURRÓS" />

Það er ekki á hverjum degi sem messað er í Fellskirkju í Slétthlíð í Skagafirði og má kannski segja að í dag geti það talist til tíðinda. Það var séra Karl V. Matthíasson sem var trúað fyrir að messa í Fellskirkju eins og hann kemst sjálfur að orði í Facebook-færslu en hann segir stundina hafa verið dásamlega með dásamlegu fólki. „Það er gott að elska og treysta. Svo var altarið líka skreytt með alvöru fallegum blómum,“ skrifar séra Karl.

Þegar eitthvað fer úrskeiðis er heilbrigðiseftirlitið kallað til | Sigríður Hjaltadóttir skrifar

Tue, 02 Jun 2026 13:22:00 +0000

AÐSEND MYND" />

Fáir hugsa um heilbrigðiseftirlit í dagsins önn. Það er eðlilegt. Þegar allt gengur vel taka flestir ekki eftir því starfi sem unnið er á bak við tjöldin til að tryggja örugg matvæli, hreint neysluvatn og heilnæmt umhverfi.

B og D-listi hafa myndað meirihluta í Húnaþingi vestra

Tue, 02 Jun 2026 11:38:00 +0000

Örn Arnarson og Sigurður Líndal handsala meirihlutasamstarfið. MYND AF NETINU" />

Á fallegu kvöldi á Borðeyri, á síðasta degi maímánaðar, undirrituðu Örn Arnarson fyrir hönd D-lista Sjálfstæðismanna og óháðra, og Sigurður Líndal fyrir hönd B-lista Framsóknar og annarra framfarasinna, samkomulag um meirihlutasamstarf í sveitarstjórn Húnaþings vestra fyrir kjörtímabilið 2026-2030.

Kvikmyndabraut FNV er ódýr leið til að ná færni í faginu

Tue, 02 Jun 2026 10:46:00 +0000

Nemendur kvikmyndabrautar í leik og starfi. MYNDIR FRÁ FNV" />

Nemendur við kvikmyndabraut Fjölbrautaskóla Norðurlands vestra stofnuðu nýlega í sameiningu TikTok-reikning þar sem þeir sýna brot úr náminu og einnig hvernig námið hefur nýst þeim. Þetta er gert til að kynna kvikmyndanámið við FNV fyrir áhugasömum nýnemum um land allt en nemendur á brautinni hafa í gegnum tíðina komið víða að af landinu. Feykir tók Árna Gunnarsson, kennara á kvikmyndabraut tali og spurði um kynninguna og námið á brautinni.

ReSource gerir samning um umhverfisvöktun fyrir Stekkjarvík

Tue, 02 Jun 2026 10:07:00 +0000

Urðurnarstaðurinn í Stekkjarvík. MYND AF SSNV.IS" />

ReSource hefur gert samning við Norðurá bs. um umhverfisvöktun urðunarstaðarins í Stekkjarvík. Á vef SSNV segir að Norðurá bs. reki urðunarstaðinn, sem er staðsettur í landi Sölvabakka á Blönduósi. Byggðasamlagið er í eigu þriggja sveitarfélaga á Norðurlandi vestra, en þjónustusvæði urðunarstaðarins nær yfir mestallt Norðurland.

Sviðslistanámskeið á Sauðárkróki

Tue, 02 Jun 2026 09:17:00 +0000

" />

Leikfélag Sauðárkróks bíður börnum fæddum á árunum 2013-2017 upp á sviðslistarnámskeið í þrjá daga í júní. Námskeiðið hentar börnum á Sauðárkróki og í nágrenni. Þetta stórskemmtilega námskeið endar með sýningu á 17. júní sem að er hluti af hátíðarhöldum.

Litasprengjur og gleðipinnar í Árskóla

Tue, 02 Jun 2026 08:33:00 +0000

MYNDINA Á ÓMAR BRAGI" />

Gleðiganga Árskóla fór fram í gær, mánudaginn 1. júní. Síðasti dagurinn fyrir skólaslit fer alltaf í Gleðigönguna en á mæta allir eins og litasprengjur og gleðipinnar. Síðan er labbað um bæinn með tónlist og það er mikið fjör.

Máttu þola jafntefli

Mon, 01 Jun 2026 15:32:00 +0000

" />

Lið Kormáks/Hvatar heimsótti Vogaídýfuvöllinn í gær, sunnudaginn 31. maí, þar tóku á móti þeim Þróttarar úr Vogum. Leikurinn var jafn í alla staði en hann endaði 1-1.

Sumarsýning Heimilisiðnaðarsafnsins | Frá Heimilisiðnaðarsafninu á Blönduósi

Mon, 01 Jun 2026 15:26:00 +0000

Leikur að þræði heitir sumar/sérsýning Heimilisiðnaðarsafnsins sem opnuð var á annan dag hvítasunnu. Guðrún Hadda Bjarnadóttir, veflistakona opnaði sýninguna og skýrði vefnaðartæknina á bak við verk sín. Sagðist hún leika sér að því nýta alls konar þræði með mismunandi tækni og aðferðum. Sumum flóknum sem taka langan tíma og öðrum einfaldari og frjálsari. Hún noti gjarnan efni sem unnin eru frá grunni, svo sem ull sem hún sjálf spinnur og litar, hálm eða endurunnin efni.

Stigalausar eftir fimm umferðir

Mon, 01 Jun 2026 14:57:00 +0000

MYND: DAVÍÐ MÁR" />

Stólastúlkur fengu Gróttu í heimsókn á Sauðárkróksvöll síðast liðinn laugardag. Leikurinn endaði með 0-5 sigri Gróttu og Tindastóll leitar því en að fyrsta sigrinum í Lengjudeildinni.

Skúnaskrall – Öll saman - hlaut veglegan styrk

Mon, 01 Jun 2026 14:49:00 +0000

" />

Á síðu SSNV kom fram að Barnamenningarsjóður hélt úthlutunarhátíð sína í Höfuðstöðinni sunnudaginn 31. maí, þar sem kom saman fjöldi gesta og eftirvæntingafullir styrkþegar. Einn þeirra var fulltrúi SSNV, en sótt var um styrk til sjóðsins til að endurvekja Barnamenningarhátíðina Skúnaskrall, sem í fyrsta og eina sinn var haldin vorið 2022.

Einir á toppi 3. deildarinnar

Mon, 01 Jun 2026 12:21:00 +0000

MYND: SIGURÐUR INGI" />

Leikur Tindastóls og Reynis Sandgerðis átti sér stað á Sauðárkróksvelli í gær þar sem heimamenn unnu 2-1. Stólarnir eru því einir á toppnum og með fjögurra stiga forskot á annað sætið.

Stefnir í metþátttöku á Prjónagleðinni

Sat, 30 May 2026 11:29:00 +0000

Prjónagleðin, eða Iceland Knit Fest upp á enska tungu, verður haldin af sveitarfélaginu Húnabyggð dagana 5.-7. júní næstkomandi og er þetta í annað sinn sem Húnabyggð er alfarið með handverkshátíðina á sinni könnu. Það er Svanhildur Pálsdóttir sem er viðburðastjóri Prjónagleðinnar í fimmta skipti og sér hún um undirbúning, skipulag og framkvæmd ásamt mögnuðum hópi sjálfboðaliða. Feykir sendi nokkrar vandaðar spurningar á viðburðastjórann en í ár er haldið upp á það að þetta er í tíunda sinn sem Prjónagleði fer fram.