Héraðsbókasafn A-Húnvetninga með aðgang að Rafbókasafninu
Á Facebooksíðu Héraðsbókasafns A-Húnvetninga segir frá því að bókasafnið sé nú komið með aðgang að Rafbókasafninu en það var opnað 30. janúar á þessu ári. Rafbókasafnið er samstarfsverkefni Landskerfis bókasafna og Borgarbókasafns Reykjavíkur. Hingað til hefur aðgangur að safninu verið takmarkaður við lánþega stærstu almenningsbókasafnana en nú er það opið öllum lánþegum almenningsbókasafna á Íslandi.
Á Rafbókasafninu er hægt að nálgast raf- og hljóðbækur á vegum OverDrive, sem er bandarískt fyrirtæki. Meginhluti efnisins er á ensku, en stefnt er að því að fá meira íslenskt efni inn sem fyrst.
Rafbækurnar má ýmist lesa á vef Rafbókasafnsins eða á snjalltækjum í gegnum t.d. Overdrive-appið. Skilyrði fyrir notkun er gilt lánskort hjá bókasafninu.
Nánari upplýsingar má finna á heimasíðu Rafbókasafnsins eða á safninu en stefnt er á að halda örnámskeið um notkun safnsins fljótlega eftir áramótin.
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.