Jogvan Hansen og Pálmi Sigurhjartar á ferðalagi á Norðurlandi vestra
Um þessar mundir eru tónlistarmennirnir Jogvan Hansen og Pálmi Sigurhjartar á ferðalagi og koma við á Hvammstanga, Skagaströnd og Sauðárkrók. „Við byrjuðum á Akranesi, Grundarfirði, Búðardal, Hólmavík, Bíldudal, Þingeyri og núna í kvöld erum við á Bolungarvík,“ segir Jogvan.
Hann segir að vel hafi gengið hingað til. „Allt hefur það gengið með prýði. Einnig höfum við spilað fyrir eldri borgara á elliheimilum alls staðar sem elliheimili hefur verið og hafa þeir verið rosalega glaðir með það.“
Leiðir Jogvan Hansen og Pálma Sigurhjartarsonar hafa legið víða saman má segja frá árinu 2010 þegar þeir tveir ásamt Sigurjóni Brink settu saman dagskrá fyrir Hótel Sögu um jólin það ár. Þegar Sigurjón féll frá snemma árs 2011 tók Jogvan við söngvarastöðu Sjonna í hljómsveitinni ,,Rokk" sem hafði starfað í nokkurn tíma við góðan orðstír. Síðan hafa Jogvan og Pálmi starfað mikið saman sem dúó ásamt því að leika og syngja með fleiri listamönnum innanborðs. Vorið 2015 stýrði Pálmi tónleikum sem voru haldnir vegna 90 ára afmælis Jóns Sigurðssonar (1925-1992) Jón í Bankanum, og voru þessir tónleikar haldnir í Salnum í Kópavogi þar sem helstu lög og textar Jóns voru flutt ásamt hljómveit og söngvurum. Pálmi var þar tónlistar- og hljómsveitarstjóri og Jogvan einn af aðalsöngvurum. Upp úr þessu spratt sú hugmynd hjá þeim félögum að gaman væri að fara með þetta prógramm lög og texta Jóns í bankanum um landið og deila þessum þjóðargersemum með fólki allstaðar á landinu.
Og nú er sú hugmynd orðin að veruleika en fyrsti hluti tónleikaferðarinnar ,,Ég er kominn heim“ hófst þann 13. maí og stendur til 22. maí þegar sungið verður á Sauðárkróki.
Tónleikarnir á Hvammstanga verða í veitingahúsinu Sjávarborg annað kvöld 20. maí og hefjast klukkan 21:30.
Mánudaginn, annan hvítasunnudag, verða þeir félagar í Hólaneskirkju á Skagaströnd og hefjast tónleikarnir kl. 20 og svo enda þeir tónleikaferðina í Sauðakrókskirkju á þriðjudaginn 22. maí og hefjast þeir tónleikar einnig klukkan 20.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.