Pálma á Akri minnst við setningu Alþingis
Á þingsetningarfundi Alþingis í gær var Pálma Jónssonar á Akri, fyrrv. alþingismanns og ráðherra, minnst. Það var starfsaldursforseti, Steingrímur J. Sigfússon, sem flutti en Pálmi var eini fyrrverandi alþingismaður sem látist hafði síðan Alþingi var síðast á fundum. Eftirfarandi eru minningarorðin sem flutt voru:
Síðan Alþingi var síðast á fundum hefur einn fyrrverandi alþingismaður látist og verður hans nú minnst.
Pálmi Jónsson, fyrrverandi alþingismaður og ráðherra, lést á sjúkrahúsi hér í Reykjavík hinn 9. október sl. eftir langvarandi veikindi. Hann var á 88. aldursári.
Pálmi Jónsson var fæddur á Akri í Torfalækjarhreppi 11. nóvember 1929. Foreldrar hans voru þau Jónína Valgerður Ólafsdóttir húsfreyja og Jón Pálmason bóndi, síðar alþingismaður og ráðherra og lengi forseti sameinaðs Alþingis.
Pálmi ólst upp á Akri við almenn sveitastörf. Hann lauk búfræðiprófi á Hólum 1948 og varð bóndi á Akri frá 1953. Þar í sveit lét hann fljótt til sín taka, varð m.a. formaður búnaðarfélags hreppsins og átti síðar sæti í hreppsnefnd Torfalækjarhrepps. Hann var um tíma formaður Jörundar, félags ungra Sjálfstæðismanna í Austur-Húnavatnssýslu. Sumarið 1967 tók svo Pálmi sæti á lista Sjálfstæðisflokksins í Norðurlandskjördæmi vestra og var kjörinn alþingismaður í þingkosningunum það ár. Hann sat samfellt á Alþingi til 1995, í 28 ár, sat alls á 31 löggjafarþingi. Pálmi varð landbúnaðarráðherra í febrúar 1980 í ríkisstjórn Gunnars Thoroddsens og gegndi því embætti fram í maí 1983. Á þingmannsárum sínum átti Pálmi sæti í mörgum stjórnum og ráðum á þeim sviðum þar sem hann beitti sér mest, landbúnaði, orkumálum, byggðamálum og ríkisfjármálum. Hann var yfirskoðunarmaður ríkisreikninga um skeið og formaður bankaráðs Búnaðarbanka Íslands og stofnlánadeildarinnar síðustu ár sín á þingi og nokkur ár eftir það.
Á Alþingi sat Pálmi Jónsson lengi í landbúnaðarnefnd, en einnig í öðrum þingnefndum og þótti öflugur talsmaður síns flokks hvar sem hann var kjörinn til setu. Hann var formaður fjárveitinganefndar í nokkur ár og síðar varaformaður fjárlaganefndar og lét mjög til sín taka á þeim vettvangi.
Með störfum sínum og dugnaði, hófsamlegum málflutningi og skýrum sjónarmiðum komst Pálmi, er leið á þingferil hans, í forystusveit síns flokks. Hann var þó ekki ávallt samstiga forystunni og fór um tíma aðrar leiðir en naut ávallt trausts og vinsælda í héraði og meðal kjósenda sinna.
Pálmi Jónsson var jafnan hressilegur í bragði og kappsamur, íþróttamannslega vaxinn, bar sig vel og með reisn. Hann var hreinskiptinn og léttur í lund og átti gott með samskipti við fólk. Pálmi var þó alvörumaður að eðli og fastur fyrir þegar því var að skipta. Tilsvör hans og látbragð varð mörgum samferðamönnum hans minnisstætt og vekur enn hlýjar minningar hjá þeim sem honum kynntust.
Með Pálma Jónssyni er genginn öflugur talsmaður bænda og landsbyggðar.
Ég vil biðja þingheim að minnast Pálma Jónssonar með því að rísa úr sætum.
Fleiri fréttir
-
1500 FRÆ
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 15.04.2024 kl. 15.28Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík.Meira -
Nú mæta allir í Síkið
feykir.is Skagafjörður, Íþróttir 15.04.2024 kl. 12.17Íslandsmeistarar Tindastóls taka á móti Grindavík í Síkinu í kvöld í öðrum leik liðanna í átta liða úrslitum Subway-deildarinnar. Leikurinn hefst kl. 19:30 en miðasala fer fram á Stubb. Nú er um að gera að fjölmenna í Síkið og styðja strákana okkar til sigurs. Grindvíkingar rúlluðu yfir okkar menn í fyrsta leik og nú þurfa allir Stólar að gera betur.Meira -
Séra Sigríður skipuð prófastur í Húnavatns- og Skagafjarðarprófastsdæmi
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 15.04.2024 kl. 11.03Sr. Sigríður Gunnarsdóttir sóknarprestur í Skagafjarðarprestakalli hefur verið skipuð prófastur í Húnavatns- og Skagafjarðarprófastsdæmi frá og með deginum í dag, 15. apríl 2024. Hún tekur við af sr. Döllu Þórðardóttur á Miklabæ en hún lét af störfum þann 1. desember síðastliðinn.Meira -
Undirskriftasöfnun vegna fyrirhugaðs tjaldsvæðis við Sauðárgil
feykir.is Skagafjörður, Mannlíf 15.04.2024 kl. 09.00Um miðjan mars auglýsti skipulagsfulltrúi Skagafjarðar tillögu að breytingu á aðalskipulagi vegna nýs tjaldsvæðis við Sauðárgil á Sauðárkróki. Staðsetning tjafldsvæðis á Króknum hefur löngum verið bitbein íbúa og lengi verið leitað að hentugri staðsetningu. Tjaldsvæðið við sundlaugina verður senn að víkja vegna byggingar væntanlegs menningarhúss sunnan Safnahúss Skagfirðinga en tillaga um að gera tjaldsvæði við Sauðárgil, norðan Hlíðarhverfis, er umdeild. Hefur nú verið sett af stað undirskriftasöfnun á Ísland.is þar sem hægt er að mótmæla fyrirhuguðum breytingum.Meira -
List á ferð / Art travels
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Listir og menning 15.04.2024 kl. 08.50Þegar við hugsum um leiðir til að bæta heilsu samfélagsins þá hugsum við ekki alltaf um aðgengi að listum. En þegar við hugsum um það þá eru listir ein tegund tilfinningatjáningar. Hvort sem það er hamingja eða örvænting þá er það nauðsynlegt að hafa útrás til að nálgast tilfinningar á heilbrigðan og öruggan hátt. Samfélög sem styðja við listir, koma saman til að skapa list saman, hafa sýnt sig að vera tengdari. Þannig höfum við betri stuðningskerfi almennt sem leiðir til betri heilsufars.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.