Greinar

Verðandi sveitarstjórnarfólk

Nú er ljóst að allnokkrar mannabreytingar verða í komandi sveitarstjórn Skagafjarðar. Allir þeir sem þar gefa kost á sér eiga þakkir skyldar fyrir að ganga fram fyrir skjöldu og sýna þann áhuga og vilja sem þarf til að stjórna okkar ágæta samfélagi. Kröfur íbúa eru mismunandi eftir aldri og búsetu og rísa þar hæst samkvæmt venju atvinnu og skólamál. En miklu fleira skapar gott samfélag og þar eru fjölbreytileiki þess, félagsvitund og metnaður fyrir heimabyggðinni mikilvægir þættir.
Meira

Öflug grunnþjónusta fyrir fjölskyldufólk í Skagafirði

Í sveitarfélaginu okkar, Skagafirði, hefur ríkt óviðunandi ástand undanfarin ár í dagvistunar- og leikskólamálum og staðan einfaldlega verið sú að foreldrar koma börnum sínum ekki að vegna plássleysis og manneklu. Vandamálið nær allt niður í störf dagforeldra sem hefur reynst erfitt að manna og upp á leikskólastig þar sem börn komast jafnvel ekki að fyrr en um rúmlega 2 ára aldur.
Meira

H-eldri borgarar: mikilvægi góðrar heimaþjónustu

Þjóðin er að eldast og hópur eldri borgara fer sífellt stækkandi. Þó hefur hjúkrunarrýmum og þjónustuíbúðum fyrir aldraða ekki fjölgað í takt við það síðustu ár. Töluvert hátt hlutfall eldri borgara er því tilneytt til að búa í eigin húsnæði mun lengur en þau hafa getu til sökum aldurs eða veikinda.
Meira

Gagnrýnin snýst eingöngu um verklag

Sveitarstjóri svaraði greinarkorni mínu um um breytingar á fjölskyldusviði og mannaráðningar á vegum sveitarfélagsins síðastliðinn mánudag. Þar segir hún mig ýja að því að starfsfólk sveitarfélagsins sé ekki hæft til að sinna sínum störfum. Það þarf talsverðan vilja til að skilja greinina á þennan veg. Þar er bent á að tilfærslur starfmanna án þess að auglýsa stöður og breytingar á skipuriti fjölskyldusviðs án þess að leggja fyrir fræðslunefnd eða byggðarráð, samræmast ekki góðum starfsháttum.
Meira

Ótrúlegur undirlægjuháttur sveitarstjórnar Skagafjarðar gagnvart Landsneti

Það hefur ekki farið hátt en nú hefur meirihluti sveitarstjórnar Skagafjarðar, skipaður B og D lista, ákveðið að festa Blöndulínu 3, sem 220 kV háspennuloftlínu í sessi í aðalskipulagi Skagafjarðar, með áætluðum 3 km jarðstrengsstubb þó. Flutningsgeta þessa fyrirhugaða stóriðjumannvirkis, sem hvergi á að tengjast í Skagafirði, er um 500 MW (megawött).
Meira

Skólasamfélagið Skagafjörður

Sveitarfélagið Skagafjörður ber heitið skólasamfélag með rentu því það er eitt fárra sveitarfélaga á landinu sem státar af því að hafa öll skólastigin innan sinna marka, frá leikskóla og upp í háskóla. Auk hefðbundinna skólastiga starfar hér einnig öflugur Farskóli – miðstöð símenntunar á Norðurlandi vestra, sem veitir íbúum aðgang að námskeiðum af ýmsu tagi en er einnig miðstöð fólks sem stundar háskólanám í fjarnámi. Við erum stolt af því að kalla okkur skólasamfélag því fátt er dýrmætara hverjum einstaklingi en það að þroska hæfileika sína með menntun við hæfi.
Meira

Stytting vinnuvikunnar hjá sveitarfélaginu Skagafirði

Íslendingar eru þekktir fyrir langa vinnudaga og um leið langan vistunartíma barna. Við Skagfirðingar erum þar engin undantekning. Löngum hefur það verið talin dyggð að vera vinnusamur. En raunin er sú að álagstengd veikindi geta fylgt mikilli vinnu. Vinnutengt stress getur leitt til verri svefns sem svo getur orsakað verri samskipti á vinnustöðum. Tími fyrir fjölskylduna, tómstundir eða hreyfingu verður minni á löngum vinnudögum og getur það leitt til þunglyndis og kvíða.
Meira

Ég er íbúi í Skagafirði

Það er svo margt sem ég elska við Skagafjörð, við eigum magnaðar náttúruperlur sem við erum svo heppin að fá að njóta á hverjum degi, við eigum stórkostlegt mannlíf og afar mörg virk starfandi félagssamtök. Við getum verið afar stolt af allri uppbyggingunni sem á sér stað í Skagafirði í íþrótta og tómstundastarfi. Við eigum endalaust af glæsilegum viðburðum og glæsilegu fólki sem er tilbúið að gefa tíma sinn og vinnu í óeigingjarnt starf fyrir samfélagið sitt, hvort sem það er í þágu menningar, íþrótta, einstaklinga, fjölskyldu eða sérstaks málefnis. Samfélagið okkar hefur þá sérstöðu að vera umhugað um hvert annað, þá sérstöðu þurfum við að passa upp á.
Meira

Íþróttasamfélagið Skagafjörður

Ég vil byrja á því að þakka íbúum Skagafjarðar fyrir stuðninginn við okkur strákana í Tindastól á nýliðnu tímabili. Það er ekki sjálfgefið að fólk hafi áhuga á því sem maður fæst við og ekki hægt annað en að vera auðmjúkur yfir stuðningnum og áhuganum sem við höfum fundið fyrir í vetur og í vor.
Meira

Á tímamótum

Nú er fjögurra ára kjörtímabili að ljúka og þar með hef ég ákveðið segja staðar numið við sveitarstjórnarstörf fyrir Sveitarfélagið Skagafjörð. Það voru blendnar tilfinningar við þá ákvörðun að segja skilið við þennan starfsvettvang, því kynni mín af samstarfsfólki jafnt í sveitarstjórn og í almennum störfum hjá sveitarfélaginu hafa verið afar ánægjuleg og gefandi. Það var ekki fyrir að ég nyti ekki stuðnings að ég ákvað að stíga til hliðar, það var alfarið mín ákvörðun, þrátt fyrir að hljóta afgerandi kosningu í skoðanakönnun sem gerð var innan flokksins.
Meira