Á tímamótum
Nú er fjögurra ára kjörtímabili að ljúka og þar með hef ég ákveðið segja staðar numið við sveitarstjórnarstörf fyrir Sveitarfélagið Skagafjörð. Það voru blendnar tilfinningar við þá ákvörðun að segja skilið við þennan starfsvettvang, því kynni mín af samstarfsfólki jafnt í sveitarstjórn og í almennum störfum hjá sveitarfélaginu hafa verið afar ánægjuleg og gefandi. Það var ekki fyrir að ég nyti ekki stuðnings að ég ákvað að stíga til hliðar, það var alfarið mín ákvörðun, þrátt fyrir að hljóta afgerandi kosningu í skoðanakönnun sem gerð var innan flokksins.
Ég var á líðandi kjörtímabili forseti sveitarstjórnar Sveitarfélagsins Skagafjarðar og stjórnarmaður hjá Samtökum sveitarfélaga á Norðurlandi vestra og Náttúrustofu Norðurlands vestra ásamt því að sitja í ýmsum nefndum og ráðum. Nú tek ég heiðurssæti á lista Sjálfstæðisflokksins í Skagafirði eftir margra ára þátttöku í sveitarstjórnarmálum. Ég tef tekið sæti á lista flokksins frá því árið 2002. Sat í fræðslunefnd frá árinu 2005-2014 og í sveitarstjórn síðustu 8 ár. Það er gott að hætta þegar vel gengur og samstarf við alla hefur gengið vel, en betur má ef duga skal. Það er alltaf þannig að maður hefði viljað gera meira og alltaf er hægt að gera betur.
Við fulltrúar Sjálfstæðisflokksins höfum haft það að leiðarljósi í okkar störfum að pólitískar línur eiga ekki að ráða við ákvarðanatökur, heldur hagsmunir sveitarfélagsins og þar með íbúanna í okkar samfélagi. Í sveitarstjórnarpólitík þarf á samvinnu að halda og þarf sveitarstjórn að starfa sem liðsheild og sjá til þess að allar góðar hugmyndir hljóti brautargengi. Ég tel að sveitarstjórn Sveitarfélagsins Skagafjarðar hafi undantekningarlítið starfað eftir þeim markmiðum á þessu kjörtímabili og það ber að þakka.
Það er margt sem hefur verið gert á liðnu kjörtímabili og eru ýmsar framkvæmdir í fullum gangi nú þegar, aðrar búnar og enn aðrar á teikniborðum og í öðrum farvegi. Sjálfstæðismenn hafa sem betur fer náð að framfylgja flestum þeim loforðum sem gefin voru fyrir 4 árum. Stærsta málið hjá okkur var Sundlaug Sauðárkróks og er það verk í fullum gangi.
Stærstu verkefni nýrrar sveitarstjórnar verða þó að öllum líkindum atvinnumálin, rétt eins og síðustu sveitarstjórnar. Fjölgun starfa er eitt af brýnustu verkefnum á næstu árum til þess að auka hagsæld og gera góða þjónustu enn betri fyrir íbúa sveitarfélagsins. Sveitarstjórn þarf að vera leiðandi afl og sjá um kynningar á möguleikum héraðsins og jafnframt að vera tengiliður við stjórnvöld landsins fyrir þá aðila sem á þurfa að halda. Verkefni nýrrar sveitarstjórnar eru ótalmörg og hafa frambjóðendur Sjálfstæðisflokksins unnið stefnuskrá fyrir komandi kosningar, þar sem áhersluverkefni koma fram.
Þeir frambjóðendur sem skipa lista Sjálfstæðisflokksins fyrir komandi kosningar hafa breiða reynslu og þekkingu á öllum þeim sviðum sem verða á verkefnalista næstu sveitarstjórnar. Því hvet ég kjósendur til að veita þeim gott brautargengi á kjördag. Jafnframt vil ég þakka þann stuðning, sem ég hef notið í störfum mínum á vettvangi sveitarstjórnar á þessu kjörtímabili. Ég vil að lokum óska öllu því ágæta fólki sem mun ná kjöri í næstu sveitarstjórn velfarnaðar í sínum störfum.
Sigríður Svavarsdóttir
forseti sveitarstjórnar Sveitarfélagsins Skagafjarðar.
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.