Að leita langt yfir skammt
Á Norðurlandi vestra hafa þó nokkrir forystumenn í sveitarstjórnum lagt í miklar langferðir, þeir hafa farið alla leið til Kína, til þess að biðla til þarlendra um að koma upp iðjuveri við Skagaströnd. Auðvitað er rétt að skoða alla möguleika til atvinnusköpunar, en þá er nánast kjánalegt að rýna ekki í nærtækasta kostinn áður en heimdraganum er hleypt svo langar leiðir.
Nærtækasti kosturinn er auðvitað sá að auka þorskveiðar. Einungis með því að auka veiðar svo að árlegur þorskafli yrði það sem aflinn var hve minnstur á árunum áður en kvótakerfið var tekið upp væri aukningin svo mikil miðað við núverandi afla að hægt væri að leyfa algerlega frjálsar veiðar hjá öllum smábátum landsins á grunnslóðinni.
Einkennilega fáir sveitarstjórnarmenn ljá máls á því að skoða möguleikann á auknu frelsi smábáta þrátt fyrir að öll rök hnígi í þá átt. Smábátaveiðin er atvinnuskapandi og ekki er nokkur lifandi leið að stunda eitthvað sem kallast ofveiði með krókum. Sama fálætið á við um núverandi þingmenn Norðvesturkjördæmisins og sér í lagi 1. þingmann svæðisins, Gunnar Braga Sveinsson, sem þreytist seint á að tala um hagkvæmni kvótakerfisins þrátt fyrir að kerfið skili færri þorskum á land en fyrir daga þess. Ekki virðist það heldur hleypa þingmönnum kapp í kinn að kerfið hafi höggvið stór skörð í sjávarbyggðirnar.
Ríkisstjórnarflokkarnir, Framsóknarflokkur og Sjálfstæðisflokkur, hafa ekki einungis fækkað opinberum störfum á Norðurlandi vestra, heldur hafa þeir hert atvinnuhöftin í sjávarútvegi í stað þess að auka frelsið. Þeir hafa sett úthafsrækjuna í kvóta með tilheyrandi aflasamdrætti. Nýjasta tiltækið hjá ríkisstjórninni var að skerða byggðakvótann í Skagafirði. Skýringin sem stjórnvöld gáfu var meðal annars sú að á Sauðárkróki væri öflug rækjuvinnsla! Þau rök eru afar furðuleg þar sem vinnslan byggir fyrst og fremst á innfluttu hráefni sem aflað er á hafsvæðum langt frá Íslandsströndum.
Stjórnmálasamtökin Dögun hafa skýra stefnu í sjávarútvegsmálum svo sem sjá má á heimasíðunni xdogun.is. Með stefnunni væri hagur sjómanna stórbættur því að ávallt yrði miðað við sanngjarnt markaðsverð í uppgjöri við áhafnir.
Í stað þess að halda áfram með stagbætta og gjörspillta byggðakvóta yrði aukið frelsi í greininni með því að handfæraveiðar yrðu gefnar frjálsar. Úthlutun byggðakvótans hefur frá upphafi verið handahófskennd og spillt, meðal annars varð fyrrverandi oddviti Sjálfstæðisflokksins í þorpi í Norðvesturkjördæmi uppvís að því að leigja út byggðakvóta fyrir vel á annað hundrað milljónir króna. Þessari óstjórn verður að linna og skynsamlegasta leiðin til þess er að auka frelsi og jafnræði í sjávarútvegi. Það er tímabært að fá svar við spurningunni: Hvers vegna í ósköpunum leggja svo fáir kjörnir fulltrúar á Norðurlandi vestra vinnu í að tryggja atvinnuöryggi og frelsi smábátasjómanna?
Kjörnir fulltrúar ættu að sjá skynsemina í að álykta um og leggja þunga áherslu á frelsi til handfæraveiða áður en þeir flandrast út og suður til Kína og Úkraínu.
Sigurjón Þórðarson, líffræðingur
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.