Áskorun til Barnaverndarstofu og velferðarráðherra
Við starfsmenn Meðferðar og skólaheimilis Háholts skorum á Barnaverndarstofu og Velferðarráðherra að íhuga vel stöðu sem og þörf fyrir Háholt sem meðferðarheimili. Í starfsmönnum býr mikill mannauður, áralöng reynsla af störfum á meðferðarheimili sem og margþætt reynsla úr öðrum störfum sem nýtist vel til að miðla reynslu og aðstoða nemendur við að byggja upp líf sitt.
Við höfum flest öll tekið námsskeið sem í boði hafa verið hjá Barnaverndarstofu s.s MI sem snýst um að virkja og hvetja nemendur á þeirra forsendum og A.R.T. sem er marghliða þjálfunarprógram sem beinist að félagslegri færniþjálfun, siðferðislegri rökræðu og tilfinningum. Á Háholti er starfandi sálfræðingur í hlutastarfi.
Við erum í góðu sambandi við vinnumarkaðinn í héraðinu og höfum við getað aðstoðað marga nemendur við að fá fræðandi atvinnutækifæri á þeirra forsendum og hafa þau nýst þeim þegar dvöl þeirra er lokið hér.
Skagafjörður sem staðsetning hefur marga kosti, við höfum gott bakland í ýmiskonar útivist og hreyfingu, s.s. fjórar sundlaugar, líkamsræktarstöð, hestaleigur, rafting, sjóveiði, vatnaveiði, merktar gönguleiðir, golfvöll, skíðasvæði og greiðan aðgang að hópíþróttaiðkun ýmis konar svo sem frjálsum, körfubolta og fótbolta ef áhugi er fyrir hendi.
Einnig er grunnskóli, tónlistarskóli og fjölbrautarskóli með öflugu verk og bóknámi. Við höfum einnig átt farsælt samstarf við ökukennara á Sauðárkróki og hafa margir nemendur okkar lokið dvöl sinni hér með ökuskírteini í vasanum. Á svæðinu eru einnig nokkur söfn, bókasafn, kvikmyndahús og menningarviðburðir.
Háholt er miðsvæðis í Skagafirði svo stutt er í alla afþreyingu fyrir utan að það tekur aðeins klukkustund að fara til Akureyrar.
Á Sauðárkróki er öflug heilsugæsla, tannlæknar, sjúkraþjálfarar og vel menntað fólk í hárgreiðslu og snyrtistörfum.
Húsið sem meðferðarheimilið er rekið í er byggt sérstaklega fyrir þessa starfsemi, nóg rými til tómstunda hvort sem er í félagskap annarra nemanda eða í einrúmi. Breytingar voru gerðar á húsinu 2014 til að uppfylla kröfur Barnasáttmála Sameinuðu þjóðanna. Aðstaða er til staðar fyrir gæsluvarðhaldsfanga ef svo ber undir.
Árangur af okkar meðferðarstarfi síðastliðin ár teljum við góðan og okkar tilfinning er að nemendum líði vel sem lýsir sér meðal annars í því að nemendur hafa óskað eftir framlengingu á meðferð sinni hér og dæmi er um framlengingu eftir að 18 ára aldri var náð. Teljum við að fjarlægð frá Reykjavík og góðar móttökur í minna og opnara samfélagi hafi þar mikið að segja. Okkar tilfinning fyrir þörf á meðferðarheimili hér er að þó nemendahópurinn sé ekki sá stærsti þá þarf samt að sinna honum með alúð og virðingu.
Skorum við því á Barnaverndarstofu og Velferðarráðherra að halda áfram því góða meðferðarstarfi fyrir unglinga sem hér hefur verið starfrækt síðan 1999.
Virðingarfyllst!
Starfsfólk Meðferðar og skólaheimilis Háholts.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.