Áskorun tekið!
Ég veit ekki hvað fékk Daníel Þór, þennan unga og efnilega mann til að skora á gamla kallinn mig að rita ykkur pistilinn. En svona fór það nú bara og þið lesendur góðir verðið bara að fletta áfram ef ykkur hugnast ekki að lesa lengra. Djók - Eftirfarandi er beinlínis skyldulesning!
Það sem mér datt helst í hug að skrifa um er mikilvægi samstöðu og einingar íbúa í litlum samfélögum, sem er, að mér finnst lykillinn að eftirsóknarverðu samfélagi til að búa í.
Nærtækast mér er að sjálfsögðu hið dásamlega Húnaþing vestra, sem er að öðrum svæðum ólöstuðum; best í heimi er kemur að fórnfýsi og jafnvel uppátækjasemi íbúa til að halda uppi stuðinu í héraðinu. Það er hreint með ólíkindum hve margir hafa í gegn um árin verið tilbúnir að leggja sitt á vogarskálarnar til að hafa gaman og að halda uppi býsna fjölbreyttu og öflugu menningarlífi, án þess (í langflestum tilfellum) að þiggja annað fyrir en bros og kannski klapp á bak.
Allt í nafni þess að hafa gaman saman.
Eins og jafnan gerist, hvort sem er í vélhjólaklúbbum, skemmtinefndum, á kennarastofum, í íþróttafélögum, hljómsveitum og kvenfélögum, er tilhneigingin sú að hægt og rólega færist fjörið yfir á færri herðar og það verður „bara þægilegt“ fyrir hina að sitja á kantinum og bíða eftir næsta „giggi“.
Þetta er eins óumflýjanlegt og skiljanlegt og að Gummi á Ósi týni símanum sínum reglulega, því sumt er bara illa við ráðið!
Það er auðvelt fyrir mig að standa fyrir utan og æpa og biðja um aukalag, eins og það er jafn erfitt að standa í sömu fjarlægð og horfa upp á fækkandi herðar sem nenna að standa í (og/eða geta staðið í) brasinu við að snúa maskínunni og telja í “eitt lag enn” , því það er óendanlega óeigingjarnt starf og krefst fórna að standa í slíku brasi, jafnvel ár eftir ár.
En, elskurnar mínar, það er ekkert eins auðvelt og að sleppa beislinu og henda sér út í óvissuna í eitt augnablik- og segja bara „já- ég er til“.
Eins og Elísabet Sif Gísladóttir negldi naglann svo lóðbeint í höfuðið með þessum orðum, hér í þessum sama dálki fyrir fáeinum vikum síðan: „Þú þarft ekki nema örfáar sekúndur af hugrekki til að taka ákvörðun um að gera eitthvað nýtt“.
Þessi orð draga saman það sem mér hefur þótt íbúar Húnaþings vestra hafa (jafnvel ómeðvitað) haft að leiðarljósi undanfarin ár.
Lifum lífinu lifandi, blindfull af áræðni og meðvitund um mikilvægi menningar.
Ég skora á Kristínu Guðmundsdóttur stórsnilling að hræra í næsta pistil.
Áður birst í 31. tbl. Feykis 2017
Fleiri fréttir
-
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.