Blönduós heilsueflandi bær
Íbúar bæjarins hafa flestir orðið varir við verkefnið okkar „Heilsudagar á Blönduósi“ sem stóðu yfir frá 8.-18. apríl. Markmiðið með þessum flottu dögum var einfalt. Að hvetja fólk til að huga vel að heilsunni og hreyfa sig markvisst sem tókst svo sannarlega. Verkefnið var ætlað að ná til allra aldurshópa í samfélaginu, leik- og grunnskóla, vinnustaði og eldri borgara og stuðla þannig að góðri heilsu, vellíðan og auknum lífsgæðum.
Blönduós er heilsueflandi bær. Aðstaðan sem við höfum á Blönduósi og í nágrenni bæjarins er eins og best verður á kosið til að stunda fjölbreytta hreyfingu, bæta heilsuna eða viðhalda góðri heilsu. Við eigum frábæra aðstöðu til íþróttaiðkunnar og höfum fjölbreytt íþróttastarf fyrir alla aldurshópa. Hér á staðnum er einnig gott sjúkrahús og starfsfólk sem skiptir okkur bæjarbúa miklu máli. Umhverfið er einstakt, ótal útivistarmöguleikar, stutt í fallegar göngu- og hjólaleiðir svo eitthvað sé nefnt.
Við fundum fyrir mikilli jákvæðni bæjarbúa á þessum dögum og ferðamenn sem komu til okkar voru einnig mjög ánægðir með að vera boðið í sund og fá ferska ávexti í heita pottinn. Einstaklingar, fyrirtæki og íþróttafélög lögðu öll sitt að mörkum og allir tilbúnir að taka þátt.
Þetta er í annað sinn sem Heilsudagar eru haldnir á Blönduósi og hefur þátttaka ykkar og viðtökur farið fram úr björtustu vonum. Það er von okkar að þessir dagar séu komnir til að vera og verði hér eftir árlegur viðburður og sem eigi síðan eftir að stækka og dafna.
Við viljum þó minna á að vegna veðurs frestaði Ragga nagli sínum fyrirlestri fram á næsta sunnudag (24. apríl). Hvetjum við alla til að mæta og hlusta á fyrirlesturinn, gestum að kostnaðarlausu, sem hefst klukkan 13:00 og er til 14:30 í Félagsheimilinu á Blönduósi.
Að lokum viljum við nota tækifærið og þakka öllum þeim sem komið hafa að þessum dögum, einstaklingum, fyrirtækjum, félagasamtökum og stuðnings aðilum. Án ykkar hefði þetta ekki verið hægt.
Verum stolt af bænum og fólkinu okkar. Blönduós er heilsueflandi bær og með áframhaldandi vinnu getum við gert margt saman og gert bæinn okkar enn betri á margan hátt
Erla Jakobsdóttir Íþróttafræðingur og ÍAK einkaþjálfari
Róbert Daníel Jónsson forstöðumaður í Íþróttamiðstöðinni á Blönduósi
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.