Fjölskyldan er helsta áhugamálið -
Þingmaðurinn Þórdís Kolbrún
Fimmti þingmaður Norðvesturskjördæmis er Þórdís Kolbrún Reykfjörð Gylfadóttir, Sjálfstæðisflokki, og fer með embætti ferðamála-, iðnaðar- og nýsköpunarráðherra. Hún býr í Kópavogi er lögfræðingur að mennt gift Hjalta Sigvaldasyni Mogensen og eru börn þeirra tvö, Marvin Gylfi 5 ára og Kristín Fjóla sem er ársgömul. Áður en þingmennskan kallaði gegndi Þórdís Kolbrún starfi aðstoðarmanns innanríkisráðherra, Ólafar Nordal. Þórdís er þingmaður vikunnar á Feyki.
Hvenær settist þú fyrst á þing? -Í október 2016.
Hvaða máli værir þú líkleg til að beita þér fyrir á Alþingi framar öðrum? -Eðli máls samkvæmt eru það þau mál sem undir mig heyra sem ferðamála-, iðnaðar- og nýsköpunarráðuneytið.
Telur þú að stjórnmálaumhverfið hafi breyst eða sé að breytast frá því sem áður var? -Já.
Telur þú að fjölmiðlar, Facebook og aðrir samfélagsmiðlar, hafi áhrif á skoðanir og gjörðir þingmanna? -Já.
Hvaða verkefni bíður helst íbúa Norðvesturkjördæmis að þínu mati? -Uppbygging efnahagslegra innviða og samfélagslegra til þess að jafna búsetuskilyrði landsvæða og auka samkeppnishæfni svæðisins og bæta lífsgæði og lífskjör.
Hvaða málefni telur þú að brenni helst á íbúum Norðurlands vestra? -Þau sömu og bíða helst kjördæmisins alls, til viðbótar myndi ég nefna stöðu bænda og fjölbreyttari atvinnutækifæri á svæðinu.
Hvaða áhugamál áttu fyrir utan pólitíkina? -Fjölskyldan er helsta áhugamálið, að ferðast innanlands og utan og sundferðir í öllum veðrum.
Hver er uppáhalds tónlistarmaðurinn? -Beyoncé og Ásgeir Trausti.
Hvert er uppáhalds íþróttafélagið? -ÍA. Grindavík í körfubolta.
Áður birst í 2. tbl. Feykis 2018.
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.