Forgangsverkefni
Í störfum mínum sem sveitarstjórnarmaður hefur það kristallast hve háð sveitarfélögin á landinu eru ríkinu með ákvarðanir og samþykktir er snúa að þeim brýnu verkefnum sem nauðsynlegt er að ráðast í til að viðhalda nýsköpun og atvinnuþróun á landsvísu.
Mikilvægt er að ráðist verði í það að forgangsraða verkefnum sem snúa að því að bæta innviði kjördæmisins svo skilyrði til búsetu og atvinnuuppbyggingar verði ásættanleg. Tryggja þarf rekstrarumhverfi hefðbundinna greina til framtíðar. Huga verður að þeim atvinnugreinum sem eru í örum vexti. Fjárfest hefur verið í um land allt í ferðaþjónustu. Greinin hefur með sínum fjölbreyttu störfum skapað tækifæri til að tryggja byggð og heilsárbúsetu, bætt lífsgæði og búsetuskilyrði ásamt því að vera virkur þátttakandi í því að byggja undir afþreyingu og framleiðslu sem byggir á varðveislu og viðhaldi menningararfs landssvæða.
Nauðsynlegt er að gera gangskör í að tryggja viðunandi samgöngur, fjarskipti og lagningu 3ja fasa rafmagns. Í allri umræðu um orkuskipti, frekari nýtingu rafbíla, aukið hlutfall endurnýjanlega orkugjafa til verndunar loftlags og umhverfis til framtíðar þarf að huga að aðgengi og tækifæri einstaklinga og fyrirtækja til að fara í breytingar á orkugjöfum. Hvatinn til þátttöku helgast af þeim aðstæðum sem við búum við. Það er því með öllu ótímabært að knýja á frekari skattheimtu vegna notkunar olíu fyrr en rafmagnsmál landsbyggðarinnar verði færð til nútímans.
Sú staðreynd hefur blasað við í tugi ára að einfasa rafmagn er aðeins í boði á sumum svæðum. Þau bú sem aðeins hafa einfasa rafmagn skipta enn hundruðum. Síðust ár hefur réttilega verið lögð áhersla á lagningu ljósleiðara, því hefur öll umræðunnar um þriggja fasa rafmagn fengið minni áheyrn. Skortur á 3ja fasa rafmagni stendur nýsköpun og atvinnuþróun fyrir þrifum í því að styrkja byggð í landinu.
Dýrara er að dreifa orku í dreifbýli. Virðisaukaskattur er lagður ofaná orkuverð og flutning. Það er því augljóst að þeir sem greiða hæsta verðið leggja fleiri krónur í ríkissjóð.
Það er sanngirniskrafa að forgangsverk í byggðastefnu samtímans verði skilvirkari uppbygging ljósleiðara, 3ja fasa rafmagns og vegsamgangna á landsbyggðinni. Það mun styðja við vöxt og viðgang atvinnu og búsetu á landsbyggðinni
Undirrituð er hótelstjóri og BA í ferðamálafræði frá Háskólanum á Hólum og óskar eftir að taka 3. – 5. Sæti framboðslista Framsóknarflokksins í Norðvesturkjördæmi fyrir alþingiskosningarnar 28. október 2017. Fyrst og fremst hef ég áhuga á að nýta krafta mína til að vinna að framgangi stefnumála með Framsóknarflokknum í þágu kjördæmisins og landsins alls.
Guðveig Eyglóardóttir Oddviti framsóknarmanna í sveitarstjórn Borgarbyggðar.
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.