Gagnrýnin snýst eingöngu um verklag
Sveitarstjóri svaraði greinarkorni mínu um um breytingar á fjölskyldusviði og mannaráðningar á vegum sveitarfélagsins síðastliðinn mánudag. Þar segir hún mig ýja að því að starfsfólk sveitarfélagsins sé ekki hæft til að sinna sínum störfum. Það þarf talsverðan vilja til að skilja greinina á þennan veg. Þar er bent á að tilfærslur starfmanna án þess að auglýsa stöður og breytingar á skipuriti fjölskyldusviðs án þess að leggja fyrir fræðslunefnd eða byggðarráð, samræmast ekki góðum starfsháttum.
Það er verklagið og skortur á gegnsæi sem eru gagnrýnd, alls ekki einstaklingarnir sem störfin vinna. Tæplega er rýrð kastað á núverandi sveitarstjórn þegar gagnrýnt er að umrætt skipurit hafi ekki verið lagt fyrir hana eða nokkra nefnd á hennar vegum. Ekki er hægt að gagnrýna sveitarstjórn fyrr en búið er að taka málið til umræðu og taka afstöðu til þess eins og ábyrg sveitarstjórn kemur væntanlega til með að gera. Það má hinsvegar gagnrýna stjórnsýslu meirihlutans, sem leiddur er af framsóknarflokknum, að gera það ekki.
Vinnubrögðin sem gerð voru að umtalsefni sýna hversu nauðsynlegt það er að stjórnsýslan hér verði opnari og íbúar upplýstari á allan hátt. Skipulagsbreytingar, mannaráðningar og aðrar stórar ákvarðanir sveitarfélagsins eiga að vera teknar í opnu ferli en ekki bak við lokuð tjöld. Viðbrögð embættismanns sveitarfélagsins fyrir hönd meirihlutans í grein í Feykis gera ekki annað en staðfesta það.
Sveitarstjóri hvetur íbúa til að vera gagnrýna á rekstur sveitarfélagsins og er það vel. Það væri faglegast að taka slíkri gagnrýni uppbyggilega og án þess draga persónulegar ályktanir um þann sem rýnir til gagns.
Undirrituð og aðrir í VG og óháðum, vilja koma því vel til skila að gagnrýnin er á stjórnsýsluna og verklag hennar, gagnrýnin er engan veginn á persónulegum nótum.
Álfhildur Leifsdóttir
Höfundur skipar 2. sæti VG og óháðra
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.