Húnvetningur að norðan
Áskorendapistill - Sesselja Guðmundsdóttir brottfluttur Húnvetningur
„Ég er að norðan.“ „Frá Agureyri?“ „Nei, ekki frá Akureyri, ég er Húnvetningur.“
Já, ég er Húnvetningur þó ég hafi meira en hálfa ævina búið á höfuðborgarsvæðinu. Meira en hálfa ævina! Undarlegt, en engu að síður satt. Ég, sveitastúlkan úr Vatnsdalnum, vildi mennta mig en nám að loknum grunnskóla var ekki í boði á heimaslóðum. Ég fór að heiman - og síðan enn lengra - og kom ekki aftur nema til að heimsækja fjölskylduna.
Mörgum árum, tveimur börnum og þremur háskólagráðum seinna er ég hætt að velta því fyrir mér af hverju ég hafi ekki flutt aftur á æskuslóðirnar. Ég veit að þær eru á sínum stað og ég get ennþá farið þangað í heimsókn. Margir sem ég þekkti eru að vísu farnir, aðrir eru þar enn, og margt hefur breyst, sumt meira að segja til hins betra.
Breytingar eru nefnilega oft jákvæðar. Þær geta verið ógnvekjandi um stund, hrint okkur harkalega út fyrir þægindarammann og fengið okkur til að endurmeta allt sem við héldum að við vissum upp á hár. Breytingar geta orðið til þess að við uppgötvum hæfni sem við vissum ekki að við byggjum yfir, eða að við lærum eitthvað alveg nýtt og spennandi. Breytingar, öðru nafni þróun, eru hluti af lífinu og án þeirra ríkir stöðnun. Þær eru oft krefjandi, erfiðar og þreytandi, en þeirra vegna kvikna líka oft nýjar hugmyndir, ný tækifæri verða til og skapandi hugsun blómstrar.
Innan þægindarammans er allt svo öruggt og kunnuglegt, en þar er auðvelt að verða værukær og svæfa nýjar hugmyndir í stað þess að skoða þær með opnum huga. Hugmyndir sem jafnvel gætu orðið okkur sjálfum og öðrum til góðs. Stundum verða breytingar svo hægt að við tökum ekki eftir þeim fyrr en löngu síðar. Þannig er það gjarnan þegar við sjálf breytumst, við áttum okkur ekki á því fyrr en eftir á. Einnig þegar samfélagið í kringum okkur þróast, allt í einu tökum við eftir því að mannlífið hefur breyst.
Þegar ég kem á æskuslóðirnar tek ég eftir breytingum sem orðið hafa síðan síðast er ég var þar. Nýtt fólk, ný eða breytt hús, ný fyrirtæki, og annað er kannski horfið.
Ég fer heim þegar ég fer norður í Vatnsdal og ég fer líka heim þegar ég fer til baka. Ég verð alltaf Húnvetningur þrátt fyrir allt, það breytist ekki.
Ég skora hér með á Hallbjörn Reyni Hallbjörnsson frá Blönduósi að taka við pennanum.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.