Inga Björk gefur kost á sér í 1.-2. sæti hjá Samfylkingunni
Inga Björk Bjarnadóttir gefur kost á sér í 1. –2. sæti Samfylkingarinnar í Norðvesturkjördæmi. Þetta kemur fram í forsíðuviðtali við Ingu í Fréttablaðinu í dag. Inga Björk er fædd árið 1993 og uppalin í Borgarnesi en hefur verið búsett í Reykjavík síðastliðin ár þar sem hún stundar meistaranám í listfræði við Háskóla Íslands.
Inga, sem er í hjólastól, hefur verið áberandi í réttindabaráttu fatlaðra um skeið, þar á meðal í umræðunni um ofbeldi gegn fötluðum konum. Hún hlaut þar að auki viðurkenningu Öryrkjabandalags Íslands árið 2012 fyrir baráttu sína fyrir bættu aðgengi í Borgarbyggð. Þá hefur Inga setið í nefnd á vegum Velferðaráðuneytisins um notendastýrða persónulega aðstoð fyrir fatlað fólk undanfarin misseri. Í viðtalinu segir Inga byltingu vera í farveginum í málefnum fatlaðra, að ímynd fatlaðs fólks sé að breytast og umræðan um fordóma, staðalímyndir og ofbeldismenningu sé að opnast.
Inga hefur legið á spítala síðastliðinn mánuð vegna lærbrota á báðum fótum og segist hafa orðið vitni af því mikla álagi sem lagt er á starfsfólk spítalans. Þrátt fyrir þetta reyni stjórnmálamenn að berja sér á brjóst og segja Íslendinga eiga eitt besta heilbrigðiskerfi í heimi. Það hljóti að vera forgangsatriði að bæta aðbúnað og starfsumhverfi í heilbrigðiskerfinu á næsta þingi. Þá telur Inga mikilvægt að rífa niður þá múra sem reistir hafa verið í menntakerfinu á kjörtímabilinu og að skapa samfélag að norrænni fyrirmynd þar sem menn hafi jöfn tækifæri með því að jafna byrðarnar. Eðlileg krafa sé að öryrkjar, aldraðir og ekki síður ungt fólk geti framfleytt sér.
Inga hóf stjórmálaþátttöku sína á unga aldri þegar hún barðist fyrir bættu aðgengi í Borgarbyggð og fannst stjórnmálin tilvalinn vettvangur til þess að hafa áhrif.
Hún segir mikilvægt að fá fólk inn á þing sem hafi reynt á eigin skinni samskipti við kerfið, og hafi þurft að berjast fyrir réttindum sínum. Inga hefur tekið virkan þátt í stjórnmálastarfi frá 17 ára aldri og hefur setið í framkvæmdastjórn Samfylkingarinnar frá byrjun árs 2015 og í framkvæmdastjórn Ungra jafnaðarmanna frá árinu 2014. Inga vermdi 6. sæti lista Samfylkingarinnar í Alþingiskosningunum 2013.
Fréttatilkynning
Fleiri fréttir
-
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira -
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.