Ja hérna hér! Áskorandi - Anna Scheving á Laugarbakka.
Nokkuð er síðan pistill frá áskorendapenna í Húnaþingi vestra hefur birst í Feyki en keðjan slitnaði nokkru fyrir áramót. Náði umsjónarmaður þessa þáttar að herja á Önnu Scheving að koma pennanum af stað aftur.
Ja hérna hér!
Hvað á ég nú að gera með þetta?, var mín fyrsta hugsun þegar ég sá póstinn frá honum Palla. En kæru lesendur Feykis, þið verðið bara að taka viljann fyrir verkið. Æfi mín byrjaði austur á Reyðarfirði en þar sleit ég barnsskónum og nú er ég hérna á draumastaðnum Laugarbakka í Miðfirði, með viðkomu í Hafnarfirði en þangað fór ég með mínum elskulega eiginmanni 16 ára. Þaðan lá leið okkar aftur austur og svo til Vestmanneyja og þar eignuðumst við okkar elskulegu syni. Gerðumst svo flóttafólk, áttum heima þar þegar tók að gjósa.
Svo var það höfuðstaður norðurlands Akureyri. Vorum þar í góðu yfirlæti í 24 ár. Ég sem póstur og hann tækjamaður hjá Vegagerð Ríkisins. Þar ólum við upp synina sem var mjög gott. Vorum þar þegar hringvegurinn opnaði og annan eins gestagang hef ég ekki upplifað. Fyrsta sumarið sem hann var opinn, tókum við á móti 89 næturgestum, fyrir utan þá sem komu svona rétt í kaffi. Það má eiginlega segja að við höfum fengið okkur fullsödd af gestum það árið.
En 1997 fluttum við á Hvammstanga og vorum þar í 18 ár. En nú erum við komin í algera paradís sem heitir Laugarbakki og er í Miðfirði. Þvílíkur dýrðarstaður sem það er og gott fólk sem þar býr. Nú þegar að við erum bæði hætt að vinna þá er ekki hægt að hugsa sér neitt betra. Kveðja Anna.
Ég skora á Guðmund Jónsson að koma með pistil.
Áður birt í 10. tbl. Feykis 2017.
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.