„Maður á að segja takk!“
Ekki hef ég tölu á því hvað hún ástkær móðir mín sagði þetta oft við mig á uppvaxtarárunum. Ekki að ástæðulausu vill hún eflaust meina. En fyrir þetta er ég þakklátur, afar þakklátur. Þetta gekk hægt en að lokum varð til sæmilega kurteis maður, ég. Forvitinn hef ég ávallt verið, mismikið þó, en að meðaltali svolítið yfir meðaltali.
Ég er hræddur um að maður missi af miklu sem barn ef maður er ekki forvitinn um umhverfið sitt og hvernig hlutirnir virka. Sumt verður maður að komast að "the hard way" eins og maðurinn sagði. Brennt barn varar sig á eldinum sagði einhver líka, ekki að ástæðulausu.
Um hvað er pistlahöfundur að tala hlýtur einhver að spurja, jú þetta tvennt á auðvelt með að spinnast saman. Menn ganga jafnvel svo langt að segja að þetta tvennt einkenni mannskepnuna. Kannski er þetta ástæðan fyrir því að Maðurinn er sú dýrategund sem er ríkjandi á jörðinni en ekki kindin, hún er ekkert voðalega kurteis.
Forvitnin hefur fært okkur allmargt. Öll þessi þekking sem við eigum svo auðvelt með að komast í á internetinu byrjaði með forvitni hjá einhverjum einstakling. Rannsóknir á jörðinni og í geimnum byrjar með því að einhver var að springa úr forvitni. Með kurteisi hefur okkur tekist að fara út í geim og rannsaka hitt og þetta. Ef ekki væri fyrir kurteisi værum við líklega í deilum heima fyrir og hefðum ekki tíma til að fara út í geim.
En aftur heim. Í heimahagana, nánar tiltekið Hofsós. Um miðjan tíunda áratug síðustu aldar voru frekar snjóþungir vetur. Þarna eignaðist ég mína fyrstu tölvu. Þvílíkur gripur sem það var, það voru skemmtilegir tímar. Forvitnin dreif mig áfram í að reyna að skilja hvernig þetta apparat virkaði. Ekki var hægt að vera úti vegna veðurs heilu dagana þannig að þetta dundaði maður sér við. Ekki nennti ég að hanga í tölvuleikjum, það er ekki hægt að opna þá og skoða. Þarna var framtíð mín ráðin. Hún var reyndar ráðin þegar móðir mín barði kurteisi inn í kollinn minn í árdaga.
Með forvitni og kurteisi að vopni er hægt að komast yfir furðulegustu þekkingu og eignast hinu skrítnustu vini. Undirritaður hefði líklegast komist stutt í sinni starfsgrein ef ekki hefði verið fyrir forvitni og kurteisi.
Ég vil þakka frænda mínum og vin Stefáni Gestsyni yngri frá Arnarstöðum að gefa mér tækifæri til að koma orðum í þetta frábæra blað. Ég skora hér með á Ægir Finnsson frá Hofsósi að koma með næsta pistil.
Góðar stundir.
Viðar Örn Línberg kerfisstjóri frá Hofsósi.
Áður birst í 1. tbl. Feykis 2017
Fleiri fréttir
-
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira -
Baldur og Felix á Sauðárkróki og á Blönduósi í dag
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 23.04.2024 kl. 08.34Það hefur efalaust ekki farið framhjá neinum að það eru forsetakosningar framundan en kosið verður 1. júní. Næsta mánuðinn verða því forsetaframbjóðendur, sem stefnir jú í að verði nokkrir, á faraldsfæti og munu taka í hendur eins margra og auðið er. Í dag verða þeir Baldur og Felix á ferðinni hér norðan heiða og í dag heimsækja þeir Sauðárkrók og Blönduós – þar sem Felix bjó einmitt um tíma.Meira -
Lukkudísirnar voru í liði með FH
feykir.is Skagafjörður, Íþróttir 22.04.2024 kl. 20.44Fyrsti leikur Tindastóls í Bestu deild kvenna þetta árið fór fram nú undir kvöld en þá tóku Stólastúlkur á móti liði FH við ágætar aðstæður. Það verður varla annað sagt en að lukkudísirnar hafi verið í liði með gestunum því í það minnsta þrívegis skall boltinn í stangir FH marksins. Það voru hins vegar Hafnfirðingarnir sem gerðu eina mark leiksins snemma í síðari hálfleik og þrátt fyrir talsverða pressu og nokkur ágæt færi þá tókst liði Tindastóls ekki að jafna.Meira -
Vortónleikar í Blönduóskirkju
feykir.is Austur-Húnavatnssýsla, Listir og menning 22.04.2024 kl. 09.56Sunnudaginn 28. apríl vera haldnir tónleikar í Blönduóskirkju þar sem kirkjukórinn mun syngja nokkur hugljúf vorlög undir stjórn Eyþórs Franzsonar Wechner organista. Jafnframt mun Eyþór sýna snilli sína og leyfa okkur að heyra hvað orgelið hefur upp á að bjóða. Mun hann leika vel valin orgelverk.Meira -
Stólastúlkur mæta FH á gervigrasinu klukkan fimm í dag
feykir.is Skagafjörður, Íþróttir 22.04.2024 kl. 08.31Leik Tindastóls og FH í fyrstu umferð Bestu deildar kvenna sem fram átti að fara kl. 16:00 í gær var frestað sökum vallaraðstæðna á Króknum í gær. Í leysingum laugardagsins skiluðu snjóalög í Grænuklaufinni sér niður á vallarsvæðið og var gervigrasvöllurinn á floti og ekki leikhæfur. Gærdagurinn reyndist þurr og í dag er sól og fínerí og leikurinn mun fara fram í dag og hefst kl. 17:00.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.