Mat á skólastarfi í Skagafirði
Fræðsluþjónusta Sveitarfélagsins Skagafjarðar vinnur að verkefni sem ber yfirheitið „Innra og ytra mat í leik- og grunnskólum í Skagafirði“ og hófst í júní 2015.Verkefnið er styrkt af Menntaáætlun Evrópusambandsins. Styrkurinn, sem er veittur til tveggja ára, mun standa undir öllum ferðakostnaði og umsýslu verkefnisins og áætluð verklok eru í ágúst 2017.
Styrkurinn hefur nú þegar verið nýttur til tveggja ferða starfsmanna Fræðsluþjónustu til Skotlands þar sem innra og ytra mat Skota á skólastarfi hefur verið skoðað í þeim tilgangi að taka upp og innleiða nýjungar á þessu sviði hér heima. Sem kunnugt er hafa skagfirskir skólar notað sjálfsmatsaðferðir Skota frá árinu 1999 og uppfært sjálfsmatskerfið með aðstoð Skota í gegnum árin.
Nýlega voru gefnar út nýjar útgáfur Skota af leik- og grunnskólahluta sjálfsmatsaðferðanna. Þær nefnast á frummálinu How good is our school? fyrir grunnskólann og How good is our early learning and childcare? fyrir leikskólann.
Í fyrri ferð starfsmanna Fræðsluþjónustunnar til Skotlands fengum við að kynnast nýjungum í innra og ytra mati í skoskum leik- og grunnskólum. Samstarfsaðili okkar eru Menntayfirvöld í Skotlandi, Education Scotland, og sáu starfsmenn þeirra um undirbúning og umsýslu vegna heimsóknar okkar. Einnig sóttum við ráðstefnu á þeirra vegum sem haldin er árlega í Glasgow fyrir skólafólk, The Scottish learning festival. Þar fengum við tækifæri til að hlýða á áhugaverð erindi og kynnast góðu verklagi í skólum og frístundastarfi. Fjórða útgáfa af How good is our school? var formlega gefin þar út.
Aftur voru starfsmenn Fræðsluþjónustu á faraldsfæti í byrjun mars. Líkt og áður sá Education Scotland um að skipuleggja heimsóknina sem nú sneri einkum að vinnu sveitarfélaga í Skotlandi að ytra mati á skólastarfi. Þrjú sveitarfélög kynntu sína vinnu en mikil gróska hefur verið í aðferðum ytra mats á skólastarfi hjá Skotum og ýmsar nýjungar litið dagsins ljós á sveitarstjórnarstiginu varðandi ytra mat. Mat sveitarfélaganna er mjög frábrugðið hinu formlega ytra mati sem er á ábyrgð menntamálayfirvalda og að hluta til byggir það á innra mati skólanna. Lykilhugtökin í allri þessari vinnu eru samvinna allra aðila og geta skólanna til umbóta.
Starfsmenn Fræðsluþjónustu hafa frá því í september 2015 unnið að þýðingu á grunnskólahlutanum og er þeirri vinnu nú lokið með útgáfu handbókar sem nefnist Hversu góður er grunnskólinn okkar? Áætlað er að þýðing á leikskólahlutanum, Hversu góður er leikskólinn okkar?, verði tilbúinn í árslok 2016. Einnig mun starfsfólk Fræðsluþjónustu útbúa sambærilega handbók um innra mat fyrir Tónlistarskóla Skagafjarðar sem byggð verður á skoskum sjálfsmatsaðferðum.
Í undirbúningi er ferð með stjórnendum skólanna næsta haust til Skotlands til að skoða ytra mats aðferðir sveitarfélaga betur með það að markmiði að innleiða þær aðferðir í skólum í Skagafirði.
Það er von starfsmanna Fræðsluþjónustu að verkefnið muni nýtast skólunum í Skagafirði vel til að gera gott skólastarfi betra eins og segir í slagorðinu: Aukin gæði náms - meiri lífsgæði.
Fræðsluþjónusta Skagfirðinga
Fleiri fréttir
-
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira -
Upplýsingafundur Íslandspósts á Hvammstanga
feykir.is Vestur-Húnavatnssýsla 23.04.2024 kl. 09.36Feykir sagði frá því fyrr í vetur að Íslandspóstur hefði tekið ákvörðun um lokun fimm pósthúsa á landsbyggðinni og fimm útibúa að auki. Byggðarráð Húnaþings vestra mótmælti ákvörðun um að loka pósthúsinu á Hvammstanga en fá að öllum líkindum ekki snúið ákvörðuninni. Nú boðar Íslandspóstur til upplýsingafundar í Félagsheimilinu Hvammstanga mánudaginn 29. apríl kl. 17.Meira -
Baldur og Felix á Sauðárkróki og á Blönduósi í dag
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 23.04.2024 kl. 08.34Það hefur efalaust ekki farið framhjá neinum að það eru forsetakosningar framundan en kosið verður 1. júní. Næsta mánuðinn verða því forsetaframbjóðendur, sem stefnir jú í að verði nokkrir, á faraldsfæti og munu taka í hendur eins margra og auðið er. Í dag verða þeir Baldur og Felix á ferðinni hér norðan heiða og í dag heimsækja þeir Sauðárkrók og Blönduós – þar sem Felix bjó einmitt um tíma.Meira -
Lukkudísirnar voru í liði með FH
feykir.is Skagafjörður, Íþróttir 22.04.2024 kl. 20.44Fyrsti leikur Tindastóls í Bestu deild kvenna þetta árið fór fram nú undir kvöld en þá tóku Stólastúlkur á móti liði FH við ágætar aðstæður. Það verður varla annað sagt en að lukkudísirnar hafi verið í liði með gestunum því í það minnsta þrívegis skall boltinn í stangir FH marksins. Það voru hins vegar Hafnfirðingarnir sem gerðu eina mark leiksins snemma í síðari hálfleik og þrátt fyrir talsverða pressu og nokkur ágæt færi þá tókst liði Tindastóls ekki að jafna.Meira -
Vortónleikar í Blönduóskirkju
feykir.is Austur-Húnavatnssýsla, Listir og menning 22.04.2024 kl. 09.56Sunnudaginn 28. apríl vera haldnir tónleikar í Blönduóskirkju þar sem kirkjukórinn mun syngja nokkur hugljúf vorlög undir stjórn Eyþórs Franzsonar Wechner organista. Jafnframt mun Eyþór sýna snilli sína og leyfa okkur að heyra hvað orgelið hefur upp á að bjóða. Mun hann leika vel valin orgelverk.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.