Menningarveisla fyrir börn og fullorðna í Miðgarði
Á dögunum var boðað til viðburðar í Menningarhúsinu Miðgarði undir yfirskriftinni „Frá Ara til Aladdín“ – hin lögin. Um var að ræða hóp skagfirsks tónlistarfólks á öllum aldri, sem buðu upp á vinsæl „barnalög fyrir börn og fullorðna“. Fyrir ári síðan stóð sami hópur fyrir tónleikum á svipuðum nótum við góðar viðtökur, og að þessu sinni naut hópurinn aðstoðar barnakórs sem söng með honum nokkur lög. Kórinn var skipaður krökkum úr 4., 5. og 6. bekk í Varmahlíðarskóla.
Líkt og vænta mátt var mikið fjör á sviðinu þennan eftirmiðdag í Miðgarði. Forkólfurinn Gunnar Rögnvaldsson á Löngumýri fór á kostum í „prumpulaginu“ við hlátrasköll barnanna í salnum, Íris Olga Lúðvíksdóttir brá sér m.a. í hlutverk afans sem gabbaði barnabörnin með ýkjusögum af sjálfum sér. Jón Hjálmar Ingimarsson og Hafsteinn Máni Björnsson sungu Emil af svo mikilli sannfæringu að ætla hefði mátt að drengurinn knái frá Kattholti væri mættur með tvífara sínum. Sigvaldi og Dagný, börn Gunnars, sýndu að eplið fellur sjaldan langt frá eikinni og heilluðu áhorfendur með öruggri framkomu og fallegum söng. Það gerðu einnig hinar hæfileikaríku systur Sóla og Malen Áskelsdætur, og ungu stúlkurnar Rannveig Stefánsdóttir og Þórgunnur Þórarinsdóttir, sem báðar hafa stimplað sig rækilega inn í hóp fjölhæfra héraðsbúa.
Í bakvarðasveit söngvaranna var hljómsveit Stefáns Gíslasonar, þar sem hann sjálfur spilaði á píanó, Einar Þorvaldsson á gítar og bræðurnir Margeir og Jóhann Friðrikssynir á bassa og trommur.
Óhætt er að segja að tónleikarnir hafi verið hin besta fjölskylduskemmtun, þar sem framlag hvers og eins naut sín vel, en heildarútkoman var þó stærri en summa þeirra allra. Um leið og ég vil þakka fyrir góða stund í Miðgarði, vil ég óska listafólkinu, bæði reyndum og upprennandi, alls hins besta í framtíðinni.
Laufey Haraldsdóttir
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.