Velferð og verðmætasköpun
Í gegnum tíðina hafa verið settar á fót fjöldinn allur af opinberum nefndum og starfshópum sem skilað hafa af sér úttektum á byggðum landsins og skýrslum uppfullum af hugmyndum og hvað þurfi að gera til að styrkja stoðir þessara sömu byggða. Fjölmiðlar gera þessu skýr skil og stjórnmálamenn tjá sig um niðurstöðurnar. En svo gerist lítið enda oftast nær um að ræða tillögur til að bregðast við vanda en ekki hvernig leysa eigi hann. Byggðastefna sem virkar er sú sem raunverulega tryggir samhengi á milli velferðar og verðmætasköpunar fyrir alla landsmenn.
Mikilvægur þáttur þess að byggðir landsins haldi samkeppnishæfni sinni gagnvart höfuðborgarsvæðinu er að þjónustan sem veitt er af hálfu ríkisins, og fólk greiðir fyrir í formi skatta, sé viðunandi um allt land. Tryggja þarf betra aðgengi að heilbrigðisþjónustu, jöfn tækifæri til menntunar og enn fremur þurfa félagsinnviðir á borð við samgöngur, raforkumál og fjarskiptamál að vera í lagi. Þannig bætum við lífskjör og öryggi íbúa og tryggjum að skilyrðin fyrir atvinnuuppbyggingu séu til staðar.
Eins liggur það í augum uppi að forsenda fyrir aukinni velferð er að fólk hafi svigrúm til verðmætasköpunar og fái raunverulega notið afrakstur erfiði síns. Því miður er það tilhneiging af hálfu hins opinbera að draga frekar þrótt úr framtakssömu fólki með íþyngjandi gjöldum og reglum. Það mega ekki vera þannig þættir í kerfinu að um leið og lítil nýsköpunarfyrirtæki ná fótfestu séu þau barin niður með of miklum álögum og kvöðum þannig að lítið fjármagn verði eftir til frekari uppbyggingar og framkvæmda.
Inngrip hins opinbera íþyngja ekki eingöngu atvinnulífinu. Huga þarf að fleiri þáttum eins og húsnæði. Skortur á nýbyggingum er ekki alfarið bundinn við höfuðborgarsvæðið heldur víða um landið þar sem atvinnuuppbygging á sér stað. Fólk fæst síður til að setjast að á nýjum stað ef húsakostur er óviðunandi. Með einfaldari byggingarreglugerð og lægri gjöldum mætti til að mynda lækka byggingakostnað verulega. Sá möguleiki er nefnilega fyrir hendi að oftar en ekki er hið opinbera hluti vandans en ekki lausnin.
Sóknarfærin eru til staðar og landsbyggðin hefur fjölmarga kosti sem þéttbýlið hefur ekki. En lífsbaráttan getur vissulega verið hörð, atvinnuástand oft á tíðum ótryggt, og því verður að halda verður vel á spöðum og nýta þau tækifæri sem gefast til að treysta atvinnu og byggð um land allt. Hið opinbera hefur hlutverki að gegna við eflingu grunnþjónustu og uppbyggingu innviða. Frekari skýrslur um þann þátt ríkisvaldsins á landsbyggðinni ættu að vera óþarfar. Breið pólitísk samstaða verður hins vegar að nást um að hrinda nauðsynlegum úrbótum í framkvæmd og þeim sé forgangsraðað í þágu allra landsmanna á sanngjarnan hátt.
Teitur Björn Einarsson
Höfundur er lögfræðingur og sækist eftir 1. sæti í prófkjöri Sjálfstæðismanna í Norðvesturkjördæmi
Fleiri fréttir
-
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira -
Upplýsingafundur Íslandspósts á Hvammstanga
feykir.is Vestur-Húnavatnssýsla 23.04.2024 kl. 09.36Feykir sagði frá því fyrr í vetur að Íslandspóstur hefði tekið ákvörðun um lokun fimm pósthúsa á landsbyggðinni og fimm útibúa að auki. Byggðarráð Húnaþings vestra mótmælti ákvörðun um að loka pósthúsinu á Hvammstanga en fá að öllum líkindum ekki snúið ákvörðuninni. Nú boðar Íslandspóstur til upplýsingafundar í Félagsheimilinu Hvammstanga mánudaginn 29. apríl kl. 17.Meira -
Baldur og Felix á Sauðárkróki og á Blönduósi í dag
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 23.04.2024 kl. 08.34Það hefur efalaust ekki farið framhjá neinum að það eru forsetakosningar framundan en kosið verður 1. júní. Næsta mánuðinn verða því forsetaframbjóðendur, sem stefnir jú í að verði nokkrir, á faraldsfæti og munu taka í hendur eins margra og auðið er. Í dag verða þeir Baldur og Felix á ferðinni hér norðan heiða og í dag heimsækja þeir Sauðárkrók og Blönduós – þar sem Felix bjó einmitt um tíma.Meira -
Lukkudísirnar voru í liði með FH
feykir.is Skagafjörður, Íþróttir 22.04.2024 kl. 20.44Fyrsti leikur Tindastóls í Bestu deild kvenna þetta árið fór fram nú undir kvöld en þá tóku Stólastúlkur á móti liði FH við ágætar aðstæður. Það verður varla annað sagt en að lukkudísirnar hafi verið í liði með gestunum því í það minnsta þrívegis skall boltinn í stangir FH marksins. Það voru hins vegar Hafnfirðingarnir sem gerðu eina mark leiksins snemma í síðari hálfleik og þrátt fyrir talsverða pressu og nokkur ágæt færi þá tókst liði Tindastóls ekki að jafna.Meira -
Vortónleikar í Blönduóskirkju
feykir.is Austur-Húnavatnssýsla, Listir og menning 22.04.2024 kl. 09.56Sunnudaginn 28. apríl vera haldnir tónleikar í Blönduóskirkju þar sem kirkjukórinn mun syngja nokkur hugljúf vorlög undir stjórn Eyþórs Franzsonar Wechner organista. Jafnframt mun Eyþór sýna snilli sína og leyfa okkur að heyra hvað orgelið hefur upp á að bjóða. Mun hann leika vel valin orgelverk.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.