Árbækur Ferðafélags Íslands til allra félagsmanna Kaupfélags Skagfirðinga
Föstudaginn 14. október var haldin samkoma í Kjarnanum á Sauðárkróki í tilefni þess að Kaupfélag Skagfirðinga hyggst færa öllum félagsmönnum sínum þrjár Árbækur Ferðafélags Íslands. Bækurnar fjalla allar um Skagafjörð og voru gefnar út hver á sínu árinu, 2012, ´14 og ´16. Fyrsta bókin fjallar um Skagafjörð vestan Vatna og heitir Frá Skagatá að Jökli en hinar tvær austan Vatna, Frá Jökli að Furðuströndum og Frá Hjaltadal að Úlfsdölum.
Til samkomunnar voru boðnir deildarstjórar Kaupfélagsins sem formlega tóku við fyrstu eintökum bókanna sem haganlega er komið fyrir í viðhafnaröskju sem skartar m.a. fallegum myndum úr firðinum. Bókunum verður dreift til félagsmanna, sem telja rúmlega þúsund manns, en þeir Snorri Evertsson, fyrrum samlagsstjóri og Sveinn Sigfússon, fyrrum verslunarstjóri á Eyri, sjá um það verk. Viðstaddur afhendinguna var höfundur bókanna, Króksarinn Páll Sigurðsson prófessor. Sagði hann það vera góða tilhugsun að vita til þess að bækurnar yrðu varðveittar saman á flestum heimilum Skagafjarðar. Sagði hann að gaman hefði verið að skrifa um sitt heimahérað en það hafi alls ekki verið auðvelt. „Árbókahöfundar er dauðhræddir við að setja vitlaus örnefni inn og þá er við ægilegan þjóðflokk að ræða sem eru heimamenn,“ sagði Páll og bætti við að þeir væru ekki alltaf árennilegir. En slíkt kom ekki upp núna að sögn Páls. Í máli Þórólfs Gíslasonar kaupfélagsstjóra kom fram að samkomulag hefði verið gert við Ferðafélagið að þegar að útgáfu þriðju bókarinnar kæmi yrði félagsmönnum færðar þær allar í gjöf í tilefni af 125 ára afmæli félagsins. Taldi hann að vel væri að þessu staðið enda mikilvægt að félagsmenn hafi aðgang að upplýsingum og yfirlit yfir héraðið á einum stað. Bækurnar telja yfir 700 blaðsíður, með fjölda mynda og eru allar hinar glæsilegustu.
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.