Arto Paasilinna og Jón Kalman Stefánsson meðal uppáhaldshöfunda
Það er Guðmundur Jónsson á Hvammstanga sem situr fyrir svörum í Bók-haldinu að þessu sinni. Guðmundur er 56 ára gamall og starfar við Bókasafn Húnaþings vestra sem bókavörður, eða sem deildarstjóri útlánadeildar, eins og hann titlar sig til gamans. Guðmundur er Húnvetningur í húð og hár en hann er uppalinn á Ytri-Ánastöðum á Vatnsnesi þar sem hann bjó til ársins 1995 þegar hann flutti til Hvammstanga. Síðustu 14 árin hefur hann unnið á bókasafninu og unir hag sínum vel meðal bókanna.
Guðmundur segir að hann geti kallast alæta á bækur. Hann les ævisögur og sagnfræðirit en ljóðabækur les hann frekar lítið, lítur þó stöku sinnum í þessa gömlu góðu s.s Sigurð í Holti, Örn Arnarson og Stein Steinarr. „Mikill meirihluti þess sem ég les eru þó skáldsögur, jöfnum höndum íslenskar og þýddar. Þar eru krimmarnir fyrirferðarmiklir en þó hef ég t.d. síðasta árið lesið nokkrar bækur eftir Isaac Bashevis Singer og Dalalíf eftir Guðrúnu frá Lundi,“ segir Guðmundur aðspurður um bókmenntasmekk sinn.
Þegar Guðmundur er inntur eftir því hvaða bækur hafi setið efst á vinsældalistanum þegar hann var að alast upp nefnir hann bækurnar eftir Ármann Kr. Einarsson og Enid Blyton, Frank og Jóa bækurnar, Bob Moran og Sígildar sögur Iðunnar. „Þegar ég var sex ára las ég mikið Handbók bænda 1967. Það var ekki vegna búskaparáhuga, heldur var vísa eftir Pál Ólafsson með hverri viku í almanakinu og lærði ég þær margar. Ég stúderaði mikið Orðabók Menningarsjóðs þegar ég var tíu ára og stuttu síðar las ég ég bækur Elínborgar Lárusdóttur, Horfnar kynslóðir sem er fjögurra binda skáldsaga um Djúpadalsættina í Skagafirði.“
Hver er þinn uppáhaldsrithöfundur/ rithöfundar og hvers vegna? Arto Paasilinna, Jón Kalman Stefánsson, Böðvar Guðmundsson og Þórarinn Eldjárn. Þetta eru allt góðir sögumenn með skemmtilegan húmor.
Hvaða bók/ bækur er/eru á náttborðinu hjá þér þessa dagana? Drekkingarhylur eftir Paulu Hawkins, Þeir sem fara og þeir sem fara hvergi eftir Ferrante og Ferðafélagsbækurnar Í Dali vestur og Í fjallhögum milli Mýra og Dala.
Ertu fastagestur á einhverju bókasafni? Nei, ég vinn þar.
Áttu þér uppáhaldsbókabúð (hér heima eða erlendis)? Nei.
Hvað áttu margar bækur í bókahillunum heima hjá þér? Eitthvað á annað hundrað.
Hvað kaupirðu eða eignast að jafnaði margar nýjar bækur yfir árið? Ég kaupi örsjaldan bækur, hef jú heilt almenningsbókasafn við höndina.
Eru ákveðnir höfundar/bækur sem þú færð „alltaf“ í jólagjöf? Ekki lengur en dæmi um slíkt frá fyrri tíð eru bækur Alistairs MacLeans og uppvaxtarsögur Sigurðar A. Magnússonar.
Hefur einhver bók sérstakt gildi fyrir þig? Nei
Hefur þú heimsótt staði sem tengjast bókum eða rithöfundum þegar þú ferðast um landið eða erlendis? Nei.
Ef þú ættir að gefa einhverjum sem þér þykir vænt um bók, hvaða bók yrði þá fyrir valinu? Það færi nú sjálfsagt eftir hver væri en kannske myndi ég bara taka viðkomandi með á Bókasafnið og hjálpa honum að finna sér bók til láns.
Áður birt í 33. tbl. Feykis 2017
Fleiri fréttir
-
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.