Belgísk kvikmynd sýnd á Hofsósi
Fyrir rúmu ári síðan komu hingað til Íslands, meðal annars í Skagafjörð, tveir ungir kvikmyndagerðarmenn frá Belgíu, þeir Clyde Gates og Gabriel Sanson. Tilgangur fararinnar var að taka upp kvikmynd en hugmyndin að handritinu kviknaði þegar þeir heyrðu söguna af Fjalla-Eyvindi. Í myndinni segir frá samfélagi þar sem miklar hörmungar hafa átt sér stað. Ung kona virðist haldin undarlegum sjúkdómi sem deyðir öll dýr og plöntur sem hún kemst í snertingu við. Aðrir íbúar samfélagsins óttast um öryggi sitt og gera hana útlæga en ungur fjárhirðir býðst til að fylgja henni aftur til síns heima. Sagan fjallar um ferðalag þeirra þangað og sambandið sem myndast milli þeirra.
Þeir félagar, Clyde og Gabriel, leituðu til heimamanna á Hofsósi og nágrenni og fengu þá til að taka að sér hlutverk í myndinni, auk þess sem þeir óskuðu eftir nokkrum kindum og einni kú í hlutverk. Tvímenningarnir eru afskaplega þakklátir þeim sem lögðu þeim lið og segja undirtektirnar hafa verið ótrúlega góðar. Og nú eru þeir væntanlegir aftur í Skagafjörðinn og ætla að sýna stuttmynd sína, sem hlotið hefur nafnið Himinn opinn, í Höfðaborg á Hofsósi á fimmtudagskvöldið kemur, 28. september kl 21:00. „Þangað eru allir hjartanlega velkomnir og að sjálfsögðu er frítt inn,“ segja þeir félagarnir.
Myndin var sýnd á kvikmyndahátíðinni í Feneyjum í byrjun september og verður hún einnig á dagskrá RIFF, Alþjóðlegu kvikmyndahátíðarinnar í Reykjavík, sem hefst nú í lok mánaðarins. Fyrir þá sem ekki komast í Höfðaborg er hægt að skella sér í bíó í Reykjavík en upplýsingar er að finna á https://riff.is/movies/himinn-opinn/.
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.