Bolla, bolla.......
Þá er bolludagurinn á morgun og eflaust margir sem taka forskot á sæluna og fá sér bollu í dag, jafnvel kannski í gær og fyrradag líka! Margir eiga eflaust sínar föstu bolludagsuppskriftir og ganga því einbeittir til verks en alltaf eru einhverjir sem eru að gera hlutina í fyrsta sinn, nú eða jafnvel brydda upp á nýjungum. Hér er leitað í uppskriftasafn Eldhússystra, eins og stundum áður, og hér fylgir girnileg uppskrift af sænskum rjómabollum með marsipanfyllingu. Eldhússystirin Kristín Rannveig Snorradóttir hefur orðið: "
Ég var búin að búa í Svíþjóð í meira en tvö ár þegar ég smakkaði fyrst Semlu – sænska rjómabollu. Svíarnir eru dálítið grand á því í bolluáti og semlur eru seldar alveg frá því í byrjun janúar og fram á vor. Þegar ég loksins hafði það af að smakka dýrðina þá varð ekki aftur snúið – þvílíkt nammi. Í sænskum bollum er nefnilega marsípankrem í staðin fyrir sultu og mér finnst marsípan alveg sérstaklega gott! Þar að auki finnst mér bollurnar sjálfar einstaklega góðar, mikið léttari en þessar venjulegu íslensku gerbollur. Ég ákvað þess vegna í dag að prófa að gera alvöru sænskar semlur og nota þær líka fyrir íslensku bollurnar – mér finnst nefnilega báðar fyllingarnar betri. Sænska bolluuppskriftin var samt svo góð að ég held ég þurfi ekki að gera þá íslensku aftur – mér finnst hún mikið betri." <
Sænskar bolludagsbollur
Bollur
50 gr ferskt ger (eða 5 tsk þurrger)
150 gr smjör
5 dl mjólk
1,5 dl sykur
1/2 tsk salt
1 tsk vanillusykur
2 tsk steyttar kardimommur (ég notaði ca. hálfa tsk kardimommukrydd og það kom ljómandi vel út)
ca. 14 dl hveiti
Egg, slegið sundur til að pensla með
Fylling
400 gr marsípan
1 dl mjólk eða vatn
5 – 6 dl af rjóma (magn miðast við óþeyttan)
Til skreytingar
Flórsykur
Smjör brætt í potti, mjólkinni hellt út í og hitað að ca. 37 gr. Hellt í skál, ger mulið út í (eða þurrgeri bætt við) og leyst upp í volgum vökvanum. Sykri, salti, kardimommu og vanillusykri bætt við og hrært aðeins.
Hveiti bætt við vökvann í nokkrum skömmtum meðan verið er að hnoða (ég notaði að sjálfsögðu Kitchen aidið) og hnoðað þar til deigið verður mjúkt og þægilegt að vinna með – deigið er hnoðað í ca. 5 – 10 mínútur. Deigið látið hefast þar til það hefur tvöfaldast að stærð.
Deiginu er skipt í 2 hluta. Hvorum deighelming er rúllað upp í lengju og skorinn í 6 jafn stóra bita. Hver biti mótaður í bollu sem eru svo lagðar á bökunarplötu (með bökunarpappír). Bollurnar látnar hefa sig í ca. hálftíma á plötunni.
Ofninn hitaður í 200 gr. c. Bollurnar penslaðar með egginu og bakaðar í miðjum ofni í 12 mínútur. Bollurnar látnar kólnar og svo skornar í tvennt.
Fyllingin er útbúin með því að rífa niður marsípanið með rifjárni og blanda saman við mjólk eða vatn (ég mæli með mjólk). Fyllingunni er smurt á bollurnar, þeyttur rjómi settur ofan á hverja bollu og svo lokað. Stráið flórsykri yfir til skreytingar.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.