Byggðastofnun byggir nýtt húsnæði undir stofnunina á Sauðárkróki
Byggðastofnun ætlar að byggja nýtt húsnæði undir stofnunina á Sauðárkróki. Aðalsteinn Þorsteinsson forstjóri Byggðastofnunar og Herdís Sæmundardóttir formaður stjórnar greina frá fyrirætlununum í opnuviðtali nýjasta tölublaðs Feykis sem út kom í gær.
Í dag er starfsstöð Byggðastofnunar til húsa við Ártorg á Sauðárkróki. „Við erum búin að vera hér á Ártorgi síðan 2001 og það hefur farið prýðilega um okkur hér en starfsemin hefur vaxið, starfsmönnum og verkefnum fjölgað. Þetta hentar okkur ekki lengur þannig að það er farið að huga að breytingum,“ útskýrir Aðalsteinn í viðtalinu.
Þar sem lítið framboð er á fasteigum, til leigu eða kaups, á Sauðárkróki varð niðurstaðan sú að Byggðastofnun byggi yfir sig sjálf. „Við erum að vona að það fari að komast á framkvæmdastig fljótlega og vonandi getur það gerst á næstu tveimur árum að það sé klárað og við getum flutt í nýtt húsnæði,“ segir Aðalsteinn.
Reiknað er með að byggingin rísi á lóð sunnan við Íslandspóst og austan við N1 við Ártorg. „Það er staður sem gæti hentað okkur afskaplega vel. Við höfum rætt við sveitarfélagið um það og lagt inn beiðni um að þeirri lóð sé haldið fyrir okkur þar til formleg umsókn kemur fram. Við erum að hugsa um allt að 1000 fermetra, með möguleika á stækkun ef til kemur,“ útskýrir Herdís.
Í viðtalinu fara Aðalsteinn og Herdís yfir helstu þætti í starfssemi stofnunarinnar og kynna fyrirætlanir um hvernig treysta eigi hana í sessi á landsbyggðinni.
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.