Dauðafæri fyrir flokkinn að styrkjast
Framsóknarfélögin í Skagafirði héldu opinn fund á Sauðárkróki í gær þar sem alþingismennirnir og fyrrum ráðherrarnir, Gunnar Bragi Sveinsson og Lilja Alfreðsdóttir, komu sem gestir. Að sögn Gunnars Braga var farið yfir stöðuna í pólitíkinni og hvaða tækifæri væru sjáanleg í stöðunni. Honum finnst það vitlaust að standa í erjum núna þegar það sé dauðafæri fyrir flokkinn að styrkjast.
Að sögn Gunnars Braga var vel mætt, u.þ.b. 45 manns sem sátu fundinn. Töluvert var rætt um að Framsóknarflokkurinn verði að komma heill og heilsteyptur fram í kosningunum og voru það skilaboðin á fundinum. „En menn spurðu eðlilega einnig um landbúnaðarmál og byggðamál svo umræðurnar voru alveg ágætar. Ræddum líka bankamál, fjár-, og efnahagsmál sem Lilja er hvað sterkust í.
Aðspurður hvort sú barátta sem á sér stað innan Framsóknarflokksins, þar sem tvær fylkingar berjast um völdin, armur Sigurðar Inga annars vegar og Sigmundar Davíðs hins vegar hafi truflandi áhrif í aðdraganda kosninganna, segir Gunnar svo vera að einhverju leyti.
„Það er vitanlega þannig að það eru tvær fylkingar eins og þú nefnir. Það má kannski segja að það sé ein fylking enn sem vill að einhver þriðji aðili komi og taki við flokknum. Það er ósköp eðlilegt að fólk hugsi þannig. En því miður þá eru þessar fylkingar aðeins að takast á núna um framboðin sem eru framundan sem að mínu viti er mjög slæmt. það á vitanlega enginn neitt í pólitík en það er mjög skrítið að ætla að taka tvær til þrjár vikur í innanhússátök þegar kosningar eru eftir fimm vikur. Það er ekki gott fyrir flokk að hafa allan fókus á þessi læti og átök. Við sáum það nú bara fyrir ári síðan þegar þau átök urðu milli Sigurðar Inga og Sigmundar Davíðs. Það stórskaðaði flokkinn í kosningum. Við höfum um tíu til ellefu prósenta fylgi í könnunum nú og það mun ekki aukast ef við förum í blóðug slagsmál innbyrðis,“ segir Gunnar Bragi.
Nú er það þekkt að Gunnar Bragi tilheyrir armi Sigmundar Davíðs og viðurkennir hann að það hafi einhver áhrifa á stöðu hans innan flokksins sem oddvita Framsóknarmanna í Norðvesturkjördæmi. „Að sumu leyti. En það er stór og mjög góður hópur vina minna hér sem studdu Sigurð Inga en styðja mig að fullu áfram. Þeir eru ekkert að blanda þessu saman, enda er ekki óeðlilegt að menn hafi skiptar skoðanir á formönnum eða einhverju slíku. Það er bara eðlilegt og ég geri ekki athugasemd við að þeir styðji annan mann en ég. Svo spilar inn í þetta að kannski annars konar valdabarátta líka. Ég er mjög hreinskiptinn og sjálfstæður og segi hlutina beint og það er ekki alltaf vinsælt. Við skulum orða að þannig. En fólk veit þá hvar það hefur mig. Það er kannski ákveðinn galli en um leið kostur líka. En aðalmálið finnst mér það vitlaust að standa í erjum núna þegar það er dauðafæri fyrir flokkinn að styrkjast.“
Fleiri fréttir
-
Skemmtileg stund og sérlega þjóðleg
feykir.is Austur-Húnavatnssýsla, Ljósmyndavefur, Listir og menning, Mannlíf 20.04.2024 kl. 13.10Laugardaginn 6. apríl sl. var boðað til mikillar og þjóðlegrar menningarveislu í gamla fjósinu í Bólstaðarhlíð í Húnavatnssýslu þar sem fram fór viðburðurinn Hrossakjöt og kvæðaraus. Undirritaður var gestur þeirra hjóna, og ferðaþjónustubænda, Freyju Ólafsdóttur og Einars Kolbeinssonar og í stuttu máli sagt var þetta einstaklega skemmtileg stund og sérlega þjóðleg.Meira -
Er botninum náð, vísnavinir góðir?
feykir.is Skagafjörður, Listir og menning 20.04.2024 kl. 11.27Það styttist í Sæluviku Skagfirðinga og því rétt að minna á Vísnakeppni Safnahússins sem sagt var frá fyrr í mánuðinum hér í Feyki. Vísur og botnar verða að hafa borist Safnahúsi Skagfirðinga Faxatorgi 55, Sauðárkróki í síðasta lagi á miðnætti 23. apríl nk.Meira -
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.