Drangey verður með samskonar vinnslubúnað og Málmey

Jón Eðvald Friðriks­son, fram­kvæmda­stjóri Fisk Sea­food, Erla Jóns­dótt­ir fjár­mála­stjóri, Lauf­ey Skúla­dótt­ir, markaðs- og sölu­stjóri, Gylfi Guðjóns­son út­gerðar­stjóri og Ingólf­ur Árna­son, fram­kvæmda­stjóri Skag­ans, fagna undirritun samstarfssamnings.
Jón Eðvald Friðriks­son, fram­kvæmda­stjóri Fisk Sea­food, Erla Jóns­dótt­ir fjár­mála­stjóri, Lauf­ey Skúla­dótt­ir, markaðs- og sölu­stjóri, Gylfi Guðjóns­son út­gerðar­stjóri og Ingólf­ur Árna­son, fram­kvæmda­stjóri Skag­ans, fagna undirritun samstarfssamnings.

Hið nýja skip Fisk Seafood, Drangey SK2, mun verða með sama vinnslubúnað og Málmey SK1 sem byggir á svonefndri „Subchilling“ tækni sem Skaginn 3X hefur þróað undanfarin misseri, meðal annars í samstarfi við Fisk Seafood. Samningur milli fyrirtækjanna var undirritaður þess efnis á sjávarútvegssýningunni í Brussel í gær.

Tæknin gerir notkun íss við geymslu fersks fisks óþarfa með tilheyrandi lækkun kostnaðar við veiðar og vinnslu, að því er fram kemur á Mbl.is. Þá verður einnig sett um borð í Drangey sjálfvirk færsla á kerum niður í lest af svipuðum toga og nú hefur verið komið fyrir um borð í Engey RE91, sem leysir af hólmi erfið og um margt hættuleg störf sjómanna. Saman tryggja kerfin samfellu í meðhöndlun afla um borð, aukin afköst við veiðar og gefa auk þess möguleika á rekjanleika afla frá veiðum til neyslu.

Sjá nánar á Mbl.is

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir