Ekkert mál að fá selfí með Guðna
Stelpurnar okkar stóðu sig afar vel á móti Frökkum á EM í fótbolta í Hollandi sl. þriðjudag þrátt fyrir tap. Eins og kunnugt er lék ítalski dómarinn stórt hlutverk með úrslit leiksins þegar hún dæmdi víti sem Frakkar skoruðu úr og hirtu þar með öll stigin. Íslensku stelpurnar voru vel studdar af áhorfendum úr stúkunni en þar á meðal voru Skagfirðingar sem létu vel í sér heyra.
Þær frænkur frá Geldingaholti, Sigurlaug Dóra Ingimundardóttir og Elfa Björk Sigurjónsdóttir, létu sig ekki vanta en með þeim voru börn þeirra, Kristín Björg og Sigri. Feykir hafði samband við Sigurlaugu eða Lullu, og forvitnaðist um veru þeirra í Hollandi.
Hún segir að ferðin hafi verið ákveðin til að koma dóttur sinni á óvart en ferðin var fermingagjöf til Kristínar sem fermdist í vor. Þetta er fyrsta ferð þeirra erlendis á íþróttaviðburð fyrir utan að Lulla segist hafa farið á íþróttaviðburði þegar hún var aupair í Bandaríkjunum fyrir margt löngu. En nú er það að fanga stemninguna á EM í fótbolta.
„Stemningin var mjög góð á „fan“ svæðinu og svo var skrúðganga á leikvöllinn. Það var ótrúlega skemmtilegt að upplifa stemminguna á leiðinni á leiksvæðið og verða vitni að viðbrögðum íbúa þarna og öðrum sem voru að fylgjast með,“ segir Lulla en stemningin var ekki síðri á leiknum sjálfum. „Stemningin á leiknum var mjög góð. Ótrúlega flottur leikur hjá stelpunum og Ísland rústaði því hverjir eru bestir í áhorfendakeppninni.“ Lulla segir að fleiri leikir verði sóttir af þeim þar sem þau eigi miða á leiki Íslands gegn Sviss og Austurríki.
Athygli vakti að Guðni Th. Jóhannesson, forseti Íslands, var mitt á meðal áhorfenda og skemmti sér vel. Fengu einhverjir að taka mynd af sér með honum og því neitaði Lulla sér ekki um. „Það var ekkert mál að fà selfí með Guðna. Gaman að spjalla við hann. Fylgdi líka með að kíkja í kaffi à Bessastaði.“
Áfram Ísland!
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.