Að þora að taka skrefið
Áskorandi María Eymundsdóttir Sauðárkróki og Huldulandi
Eitt af hlutverkum manneskjunnar er að finna sinn stað í lífinu þar sem henni líður sem best. Snýr það að búsetu og ekki síður hvernig manneskja maður vill ver(ð)a og hvað á að gera. Það er ekki eitthvað verkefni sem klárast á einu kvöldi eða degi heldur lýtur stöðugum breytingum eftir, auknum, þroska einstaklinga og þeim áskorunum sem tekist er á við. Þá er gott að reyna reglulega á sig og stíga út fyrir þægindarammann.
Síðustu ár hafa einkennst af sífelldum áskorunum þar sem ég hef sífellt þurft að ögra sjálfri
mér og komið mér á óvart. Byrjaði það allt á einu dimmu kvöldi í desember þar sem við hjónin sáum grein um býflugnarækt á Íslandi. Það var nú eitthvað sem okkur fannst spennandi enda haft mikinn áhuga á sjálfsþurftarbúskap. Efasemdaröddin var samt mjög hávær með öll sín rök fyrir því að fara ekki í býflugnarækt. Háværasta röddin var á fullu að segja mér að þetta væri algjört rugl. Býflugurnar væru að sjálfsögðu stórhættuleg dýr og ég hefði nú ekki eytt síðustu 30 árum í að passa mig á þessum óargadýrum að ástæðulausu.
Það veit það nú hvert einasta mannsbarn að þeirra eini tilgangur í lífinu er að sæta færis að stinga sárasaklaust fólk sem hefur ekkert til saka unnið annað en að vera á sama stað og bannsett flugan.
Á móti tókst á skynsemisröddin sem beitti öllum sínum rökum til að sannfæra mig um að ég þyrfti nú ekkert að óttast. Ég hefði nú ekki enn verið stungin og það þrátt fyrir að hafa fengið röndóttar flugur í næturgistingu og heimsóknir og meira að segja farið á rúntinn með einni. Að ég tali nú ekki um allar þúsundirnar sem ég hef mætt á ferðum mínum.
Sem betur fer vann skynsemisröddin og ég varð að býflugnabónda í Skagafirði. Ég verð samt að viðurkenna að blóðþrýstingurinn hafi líklega eitthvað hækkað fyrsta árið og ég nokkrum sinnum verið fullviss um að ég yrði ekki mikið eldri, enda stórhættuleg dýr eins og allir vita.
Þremur árum síðar er hugrekkið búið að aukast töluvert. Blóðþrýstingurinn er kominn í samt lag þrátt fyrir að hafa verið stungin í fyrsta skiptið í sumar. Komst ég nokkuð klakklaust út úr þeirri lífsreynslu og er enn á lífi en ekki er sömu sögu að segja af blessuðum flugunum sem voru að verja búið sitt.
Ég nýt þess að horfa á býflugurnar vinna og auðga náttúruna og þarf ekki einu sinni að vera í búning nálægt þeim. Humlurnar eru allt í einu orðnar að krúttlegum flögrandi hnoðrum og geitungarnir eru hinir ágætustu þjónar við að halda blaðlúsinni í skefjum.
Það er magnað hvað mikið getur breyst við það eitt að þora að taka skrefið.
Ég ætla að skora á Berglindi Þorsteinsdóttur að taka við áskorendapennanum.
Áður birst í 7. tbl. Feykis 2018
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.