Farskólinn útskrifar átta svæðisleiðsögumenn
feykir.is
Skagafjörður, Austur-Húnavatnssýsla, Vestur-Húnavatnssýsla
16.01.2018
kl. 11.10
Frá útskriftinni. Neðsta röð frá vinstri: Kristín Lundberg og Sarah Holzem. Næsta röð: Dagný Sigmarsdóttir og Khatarina Ruppel. Næsta röð: Sigrún Sigurðardóttir og Eydís Magnúsdóttir. Efsta röð: Bryndís Þráinsdóttir, framkvæmdastjóri Farskólans, Jón Ólafur Sigurjónsson, Ólafur Bernódusson og Kristín Einarsdóttir, verkefnastjóri. Mynd: Farskólinn.is.
Í desember sl. lauk tveggja anna námi í svæðisleiðsögn hjá Farskólanum, miðstöð símenntunar á Norðurlandi vestra. Námið hófst í janúar 2017 og fór formleg útskrift fram þann 12. janúar frá Gauksmýri í Húnaþingi vestra.
Ellefu nemendur hófu nám í janúar en átta luku því nú í desember. Nemendur komu af öllu svæðinu en tveir þeirra komu úr Húnaþingi vestra, þrír frá Skagaströnd og þrír úr Skagafirði.
Helstu námsgreinar í svæðisleiðsögninni eru jarðfræði, saga, bókmenntir, listir og svæðalýsingar á Norðurlandi vestra. Auk þess var mikil áhersla lögð á svæðisleiðsögn, nemendur lærðu að leiðsegja erlendum ferðamönnum og var hópurinn þjálfaður í ensku. Í því skyni voru farnar sex dagsferðir í rútu þar sem nemendur æfðu sig í leiðsögn um svæðið. Verkefnastjóri námsins var Kristín Sigurrós Einarsdóttir sem sjálf hefur lokið námi í svæðisleiðsögn og hefur starfað við ferðaþjónustu. Menntaskólinn í Kópavogi veitti faglegan stuðning og reynslumiklir leiðbeinendur komu víða að.
Aðilar innan ferðaþjónustunnar á svæðinu hafa mikinn áhuga á að bjóða upp á þetta nám aftur en 20 ár eru nú liðin frá því það var síðast í boði. Að sögn Bryndísar Þráinsdóttur, framkvæmdastjóra Farskólans, er það í athugun en til að námið standi undir sér þarf að minnsta kosti 15 nemendur. Samtök sveitarfélaga á Norðurlandi vestra, SSNV, styrktu námið að þessu sinni og voru ferðamálafélögin á Norðurlandi vestra einnig tilbúin að styðja við verkefnið ef á þyrfti að halda og er Farskólinn er afar þakklátur þessum aðilum fyrir þeirra stuðning og velvild gagnvart verkefninu að sögn Bryndísar.
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.