Gaf Skjalasafninu rúmlega 170 ára gamlar bækur
Héraðsskjalasafni Skagfirðinga barst á dögunum bókagjafir frá Friðriki Unnari Aarsæther en hann á ættir sínar að rekja í Skagafjörðinn. Önnur bókin inniheldur Passíusálma Hallgríms Péturssonar sem gefnir voru út í Reykjavík árið 1855 en hin, Fimmtíu Píslar-Hugvekjur útaf pínu og dauða Drottins vors Jesú Krists samdar af Séra Sigfúsi sál. Jónssyni, var gefin var út í Kaupmannahöfn árið 1851.
Friðrik er norskur í aðra ættina en móðir hans, Halldóra Sigríður Friðriksdóttir, er frá Sunnuhvoli í Blönduhlíð, dóttir Friðriks Hallgrímssonar áður bónda þar. Hann segir bækurnar hafa verið í sinni eigu í rúm 35 ár en afi hans og nafni gaf honum þær er hann var í heimsókn á Íslandi.
„Þetta var um jólin og afi vildi gefa mér eitthvað og þá helst bækur því hann var mikill bókamaður. Hann gaf mér þessar tvær bækur sem ég tók með mér til Noregs en eru nú komnar aftur í Skagafjörðinn,“ segir Friðrik en hann hefur velt því lengi fyrir sér hvað hann ætti að gera við þær. „Ég hef hugsað þetta í tíu ár. Ég tók bækurnar fyrst með mér í Glaumbæ og talaði við forstöðumanninn þar sem benti mér á Skjalasafnið. Það er ekki mikil peningaleg verðmæti í bókunum en ég reyndi að ímynda mér hvað afi hefði viljað gera við þessar bækur. Ég er alveg viss um að hann hefði orðið ánægður með að þær rötuðu aftur í Skagafjörðinn og sérstaklega í Skjalasafnið,“ segir Friðrik ánægður með málalok.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.