Gaman að gefa Íslandsvettlingana til Bandaríkjanna
Prjóna- og handverkskonan Helga Dóra Lúðvíksdóttir á Sauðárkróki sagði frá handavinnunni sinni í 25. tölublaði Feykis á þessu ári. Hún byrjaði ung að prjóna og gafst ekki upp þótt lykkjurnar sætu stundum fastar á prjónunum. Hún hefur líka gaman af mörgu öðru handverki eins og til dæmis steinakörlum og -kerlingum sem hún hefur unnið mikið með.
Hve lengi hefur þú stundað hannyrðir?
Ég hef alla tíð haft mjög gaman af hannyrðum. Ég lærði að prjóna svona í kringum 5-6 ára aldurinn. Þá bjó ég á Molastöðum í Fljótum og mamma var dugleg að prjóna sokka, vettlinga og annað nytsamlegt fyrir sveitastörfin. Það voru einmitt mamma og Hafey systir mín sem kenndu mér að prjóna. Ég man hvað mér þótti það gaman en stundum brast þolinmæðin hjá mér, sérstaklega þegar lykkjurnar voru svo fastar á prjóninum að það var erfitt að hreyfa þær til eða ef ég þurfti að rekja upp, það var ekki skemmtilegt. Þá fengu kennararnir mínir að gera nokkrar umferðir fyrir mig og koma mér á réttu brautina aftur.
Fyrstu stykkin voru bara hefðbundin fram og til baka verkefni, trefill eða teppi fyrir dúkkuna eða eitthvað slíkt. Seinna fóru að taka við meiri verkefni svo sem sokkar, vettlingar, húfur og peysur.
Hvaða handavinnu þykir þér skemmtilegast að vinna?
Mér finnst mjög gaman að prófa eitthvað nýtt og glíma við nýjar uppskriftir og stundum set ég saman munstur úr ýmsum áttum eða bara upp úr mér, en ég mundi nú seint telja mig hönnuð í þeim efnum.
Mér finnst flest handavinna skemmtileg og mjög gaman að prófa eitthvað nýtt þótt það takist nú ekki endilega allt vel. Ég verð nú samt að segja að prjónarnir séu í uppáhaldi. Það er mjög slakandi t.d. að sitja með prjóna í hönd og horfa á sjónvarpið.
Hverju ertu að vinna að um þessar mundir?
Í dag prjóna ég mikið úr lopa, aðallega peysur. Ég hef gert vettlinga og sokka sem ég þæfi í vél og það kemur vel út. Ég gerði líka þæfðar „lúffur“ til að hengja á golfkerruna - hlýtt og gott, svo voru bjórvettlingarnir mjög vinsælir um tíma.
En ég dett stundum úr prjónastuði og finnst þá skemmtilegt að grípa í aðra handavinnu. Ég hef t.d. sagað mikið út úr tré (mdf) og málað, notaði þetta mikið í jóla- og tækifærisgafir hér áður. Á einum tíma datt ég alveg í að gera steinakarla. Þá var farið t.d. í Kálfshamarsvík og góðir steinar í þess háttar föndur sóttir. Nokkrir tröllkallar og kellingar eru hér allt í kringum mig og einhverjir hafa ratað í gjafir.
Í dag er bara hefðbundin lopapeysa á prjónunum sem verður eflaust góð í göngutúra.
Hvaða handverk sem þú hefur unnið ert þú ánægðust með?
Skemmtilegustu verkin eru mörg og eiginlega bara það sem ég er að gera hverju sinni, en mér finnst mjög gaman að prjóna og gefa. Mér fannst t.d. mjög gaman að gefa vinkonu minni sem býr í Bandaríkjunum „Íslandsvettlingana“, það var eitthvað svo þjóðlegt.
Líklega er samt eftirminnilegasta verkefnið mitt peysa sem ég prjónaði á Björgvin Franz Gíslason, samt kannski ekki verkefnið sjálft heldur að fara með peysuna til hans og hitta þennan snilling.
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.