Góð afkoma hjá Ámundakinn
Ámundakinn ehf. hélt aðalfund sinn þann 24. apríl sl. og var hann vel sóttur. Þar kom fram að afkoma félagsins var góð og skilaði rekstur þess um 26 milljón króna hagnaði, þar af 15 milljónum vegna sölu fasteigna. Á árinu fjölgaði hluthöfum og eru þeir nú 77 talsins. Hlutafé á aðalfundi var rúmlega 190 milljónir króna og eigið fé um 310 milljónir.
Umsvifin á árinu voru mikil, félagið keypti Mjólkurstöðina að Húnabraut 33 í ársbyrjun og hefur Vilko flutt starfsemi sína þangað. Vilkohúsið var selt Blönduósbæ en húsnæði bæjarins á Efstubraut 2 var keypt og leigt Ístex fyrir aukna starfsemi félagsins á Blönduósi. Þá keypti Ámundakinn 53% hlut í Fasteignafélaginu Borg á Hvammstanga af dótturfélagi Landsbankans. Var að mestu greitt fyrir með nýjum hlutum í Ámundakinn ehf. og eru Hömlur fyrirtæki ehf. nú næststærsti hluthafinn í félaginu. Ákveðið hefur verið að gera öðrum hluthöfum í Fasteignafélaginu Borg hliðstætt tilboð á næstu vikum.
Þá var kynnt viljayfirlýsing um að Ámundakinn ehf. muni byggja um 570 fm þjónustuhús vegna mjólkursöfnunar í Húnavatns- og Skagafjarðarsýslum sem verður leigt Mjólkursamsölunni ehf. til langtíma.
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.