Herra Klopp að búa til skemmtilegt lið
Króksarinn Kristján Grétar Kristjánsson svarar hér spurningum í Liðinu mínu en vinur hans Viktor Guðmundsson skoraði á hann fyrir stuttu. Kristján Grétar segist vinna sem stuðningsfulltrúi Sædísar og Hrefnu hjá FISK Saefood en þar kemur gamla vinnan að góðum notum hjá honum. Liverpool er uppáhaldsliðiðmog segist hann vita að það sé erfitt fyrir Viktor vin sinn þar sem þeir vinirnir spiluðu gúrku upp á það hvor fengi Liverpool sem sitt lið. „Ég vann!“, segir kristján.
Hvernig spáir þú gengi liðsins á tímabilinu? -Herra Klopp er að búa til mjög skemmtilegt lið og ég spái því að við endum í 4. sæti.
Ertu sáttur við stöðu liðsins í dag? -Jà, er frekar sáttur en við höfum átt í erfiðleikum með minni liðin eins og ManU og fleiri. Verðum að laga það.
Hver er uppáhaldsleikmaðurinn fyrr og síðar? - Neil Ruddock, ekki spurning, enda einn mesti meistari sem ég hef hitt.
Hefur þú farið á leik með liðinu þínu? -Já, fór à Liverpool -ManU 1999-2000 sem endaði 2-0 auðvitað.
Áttu einhvern hlut sem tengist liðinu? -Já. Áritaða mynd af Steven Gerrard til mín þar sem hann er með meistaradeildarbikarinn. Áritaða treyju af liðinu 2013/14, áritaða treyju og mynd af Neil Ruddock, áritaða bók frá Didi Hamann, áritað dagatal frá Sammy Lee, fimm treyjur og margt fleira.
Hvernig gengur að ala aðra fjölskyldumeðlimi upp í stuðningi við liðið? -Það gengur mjög vel held ég bara en ekki eins mikill áhugi á fótbolta og hjá pabbanum.
Hefur þú einhvern tímann skipt um uppáhalds félag? -Er sammála Viktori vini mínum þar. Er ekki í boði.
Uppáhalds málsháttur? -Ég og Magnús Gauti vinur minn eigum einn uppáhalds, sem er: Fötin skapa manninn.
Einhver góð saga úr boltanum? -Þrymur kemur upp í hugann en held ég verði að segja þegar ég horfði á leik með Neil Ruddock þar sem nokkrir bjórar fóru niður og mikill hlátur. Hann er mjög hress og skemmtileg týpa.
Einhver góður hrekkur sem þú hefur framkvæmt eða orðið fyrir? Uppáhalds er þegar ónefndur læknir og mikill vinur minn sendi mér mynd af sér í Liverpool treyju á Facebook en hann er einn harðasti ManU maður sem ég þekki. Hann fattaði svo hvað hann hafði gert og bað mig að eyða henni. En ég lét framkalla 40 eintök af myndinni og gaf samstarfsfólki okkar í jólagjöf svo myndin er til á mörgum skrifstofum í dag.
Spurning frá Viktori Guðmunds: -Hver er besti þjálfari Liverpool frá upphafi?
Svar... -Það er Bill Shankly, ekki spurning en vona að Hr. Klopp verði það í framtíðinni.
Hvern myndir þú vilja sjá svara þessum spurningum? -Vil skora à Sædísi Bylgju en hún heldur með ManU greyið.
Hvaða spurningu viltu lauma að viðkomandi? -Hver er uppàhalds Liverpool leikmaðurinn þinn?
Áður birst í 10. tbl. Feykis 2017
Fleiri fréttir
-
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira -
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.