Horft norður
Á ganginum fyrir utan skrifstofuna mína, hangir landakortið hér á myndinni. Þegar gesti ber að garði þá geri ég í því að sýna þeim kortið. Þorpið, fyrirgefið kaupstaðurinn Blönduós, er þar sem lítinn svartan blett. Á hann bendi ég gestum, með því sem ég myndi kalla glíju ef ég mætti íslenska enskt orð. Aðrir staðir, sem ég hefði nú frekar haldið að sæjust á svona korti, eru þar ekki, Sauðárkrókur, hvað þá Skagaströnd.
Kortið er hér á veggnum vegna þess að kollegar mínir eru flestir hverjir sérfræðingar í mannvist á norðurslóðum. Þetta er fólk sem hefur varið löngum stundum í snúsnú yfir heimskautsbauginn. Nú er norðrið afstætt hugtak. Einn kollegi minn er fæddur í norður Skotlandi. Annar ólst upp í Manchester á norður Englandi. Þrír koma frá Kanada, Norður Ameríku. Allt eru þetta þó suðursveitir í huga þess sem ólst upp í köldum faðmi Norður-Atlantshafsins við botn Húnaflóa.
Kunningjar mínir íslenskir, ég get varla kallað þá vini, segja að á Blönduósi sé hvasst, ljótt og lítið skjól. Þetta segja þeir mér eins og þeir viti það nú betur en ég. Blönduós er svartur blettur segja þeir, það er von þú hafir flúið.. Ég viðurkenni að maður lærði vonbrigði á Blönduósi. Hann var margur sumardagurinn sem byrjaði vel, í sólskini og logni, og hvítur reykurinn úr Mjólkurstöðinni stóð þráðbeinn upp í loftið einsog Vatíkanið hefði falið Sveini, Palla Svavars, Kristófer og Lilla Tedd að finna næsta páfann. En á miðjum morgni kom hafáttin, svo til beint af norðurskautinu, og breytti logni í kuldanæðing.
Það er ákveðin von sem býr í landakortum, fyrirheit um aðra staði, annað líf kannski. Þegar ég sit yfir kortum þá verður mér stundum hugsað til Skúlahornsins, sem gnæfir yfir bryggjunni á Blönduósi bæði hátt og fagurt. Þar lékum við okkur oft krakkarnir. Stundum var það á sumarkvöldi þegar hafáttina hafði lægt og sólin var við það renna blóðrauð í sjóinn í norðri. Þeir eru ekki margir staðirnir þar sem sólarlagið verður eins blóðrautt og á Blönduósi. En þá man ég líka eftir því að hafa horft á strandferðarskipin, Fellin og Fossana, sigla frá bryggju og smækka þangað til þau voru eins og pökkur á íshokkívelli við sjóndeildarhringinn í hánorðri. Þeirri sjón fylgdi einhver óttablandin tilhlökkun, fyrirheit um útlönd, spennandi og hættuleg.
Þegar ég er spurður að því núna, hvaðan ég sé, þá segi ég „að norðan“. Foreldrar mínir voru efnahagslegir flóttamenn á Blönduósi, segi ég, ættir þeirra mest í Skagafirði og Hörgárdal, ein langamma úr Vatnsdalnum. Þó togar þorpið - miklu flottari titill en kaupstaður - Blönduós alltaf í. Fjötrar eru jú bæði slæmir og góðir. Í ljóði Jóns úr Vör, sem eins og margir mætir menn settist að í Kópavogi segir líka: “Enginn slítur þau bönd, sem hann er bundinn heimahögum sínum. ... þorpið fer með þér alla leið“.
Ég skora á Hörð Sigurðsson að koma með pistil í Feyki.
Áður birst í 20. tbl. Feykis.
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.