Kæru Skagfirðingar, kjósið heiðarleika
Nú er tækifæri til breytinga í Skagafirði. Of lengi hafa stjórnmálin snúist um skiptingu á völdum og greiðum milli manna. Ef þú klórar mér þá klóra ég þér hefur verið mottóið undanfarin tvö kjörtímabil og þar er enginn af forystumönnum hinna hefðbundnu flokka undanskilinn. Á öllum framboðslistum er að finna traust og gott fólk og margir þar vinir mínir og samstarfsfélagar en leiðtogar flestra flokkanna þurfa hvíld.
Það þarf ný vinnubrögð í Skagafjörð þar sem heiðarleiki er lykilorðið en það orð þekkja ekki allir oddvitar gömlu flokkanna. Lífið er ekki sýndarveruleiki, lífið er hvernig við sjáum fjölskyldum okkar farborða, við hvers konar aðstæður börnin okkar vaxa og þroskast.
Framkvæmdir við fótboltavöll í skiptum fyrir skíðalyftu, eða starf fyrir oddvita VG á náttúrústofu verða að aðalatriðum þegar völdin skipta orðið meiru en fólkið. Það lifir enginn á sýndarveruleika heldur á þeim launum sem viðkomandi fær til að kaupa sér mat, klæði, húsnæði os.frv. Þarna hafa sveitarstjórnarmenn síðustu ára brugðist.
Ekki hefur tekist að skapa ný störf í skagafirði og fjölga þannig eggjunum í körfunni og treysta fjölbreytt atvinnulíf. Tilraunir sveitarstjórnarinnar hafa runnið út í sandinn vegna skorts á getu til að fylgja eftir tækifærum sem þeim eru rétt upp í hendurnar. Störf voru flutt í Skagafjörð, sendinefnd tekin með til Japans, NV nefndin skilaði ýmsum hugmyndum þar sem oft skorti á getu forsvarsmanna sveitarfélagsins til að fylgja þeim eftir. Dæmi um slíkt er uppbygging á aðstöðu Landhelgisgæslunnar í Skagafirði en dráttur á samningsdrögum frá sveitarfélaginu varð til þess að það mál dagaði uppi.
Áfram mætti telja. Það er nefnilega ekki nóg að vera töffari með borða á öxlum ef ekki er framkvæmt og málum fylgt eftir.
Forystumenn sveitarfélagisns síðustu ár hafa stundum minnt á dýrin í sögunni um Litlu gulu hænuna. “Ekki ég” segja þeir en vilja svo éta kökuna rétt fyrir kosningar.
Ég hef áhyggjur af mínu gamla héraði þar sem ég nú kýs líklega í síðasta skiptið. Undiraldan er mikil vegna leyndarhyggju og klíkuskapar og fólk telur sér mismunað eftir því hvar þar býr. Slíkt á ekki að eiga sér stað í héraði þar sem allt er hægt. Lausnin er að breyta, rjúfa samtrygginguna í sveitarstjórn sveitarfélagsins.
Ég fór því og kaus breytingar fyrir mína heimabyggð.
Gunnar Bragi Sveinsson.
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.