Laufskálaréttarhelgin nálgast
Laufskálaréttarhelgin er framundan og sem fyrr stútfull af fjölbreyttum viðburðum. Á morgun, föstudagskvöld, hefst veislan með stórsýningu og skagfirskri gleði í reiðhöllinni Svaðastöðum. Veðrið er örlítið tvísýnt fyrir laugardaginn þegar þetta er skrifað en lítilsháttar rigning gæti dottið úr skýjunum með norðaustlægri átt í kringum 7 m/sek.
Meðal atriða stórsýningarinnar er ræktunarsýning Elínborgar og Vésteins frá Hofstaðaseli, Kolla og Karri frá Gauksmýri sýna hvað það er að vera glæsihestur. Þá mæta þeir Siggi Sig. og Ævar Örn og framkvæma eitthvað spennandi og einnig ætla Eyfirðingar að heilsa upp á nágranna sína með einhverju skemmtilegu. Þá verður haldin nýstárleg keppni, slaktauma-bjórtölt, og svo hefðbundin skeiðkeppni og veglegum verðlaunum. Hinir einu sönnu Riddarar norðursins munu svo stjórna fjöldasöng. Um kvöldið verður svo dúndurball með Stuðbandinu á Mælifelli og í Menningarhúsinu Miðgarði lofa þeir Sigvaldi, Alex Már og Jón Gestur miklu dansstuði.
Á laugardeginum er svo sjálfur réttardagurinn þar sem stóðið er rekið úr Kolbeinsdal til Laufskálaréttar. Þar gefst almenningi kostur á að taka þátt og eru áhugasamir hvattir til að mæta tímanlega við Laufskálarétt eða við hesthúsið Ástungu. Réttarstörf hefjast kl. 13:00. Um kvöldið verður svo blásið til réttarballs í reiðhöllinni þar sem hljómsveitin Von mun reyna að þeysa þakinu af kofanum.
Á sunnudeginum verða hrossabændur á Varmalandi og Íbishóli með opið hús og bjóða fólki að líta við.
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.