Málstofa - bókarkynning í Verinu
Miðvikudaginn 21. júní kl. 16.00 verður málstofa- bókarkynning í Verinu á Sauðárkróki þar sem kynnt verður bókin Fiskveiðar – fjölbreyttar áskoranir eftir færeyska sjávarútvegsráðgjafann Óla Samró sem nú hefur verið gefin út á íslensku í þýðingu Hjartar Gíslasonar blaðamanns. Bókin var gefin út í Færeyjum í fyrra og vakti mikla athygli enda hefur ekki fyrr verið skrifað á þennan hátt um fiskveiðistjórnun um víða veröld og borin saman mismunandi stjórnkerfi fiskveiða.
Í bókinni er til dæmis tekið á mörgum kunnuglegum efnisatriðum í íslenskri þjóðmálaumræðu:
- Hver á fiskinn í sjónum?
- Er aflamarkskerfi endilega besta lausnin? Hverju ætti helst að breyta og hvernig?
- Á að úthluta aflaheimildum eftir aflareynslu eða bjóða þær upp á opnum markaði?
- Á að leyfa útlendingum að eiga fiskiskip eða aflaheimildir?
Í tilkynningu frá Verinu segir að bókin eigi erindi við alla sem láti sig sjávarútveg og sjávarútvegsumræðu varða.
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.