Mannbjörg varð er trilla sökk á Skagafirði
Stjórnstöð Landhelgisgæslunnar barst á níunda tímanum í gærkvöldi neyðarkall frá bát í vanda á Skagafirði. Eftir nánari eftirgrennslan kom í ljós að báturinn hafði farið á hliðina. Samkvæmt því sem kemur fram á heimasíðu Gæslunnar voru tveir menn um borð í bátnum og varð þeim báðum bjargað.
TF-GNÁ, þyrla Landhelgisgæslunnar, var þegar í stað kölluð út sem og björgunarsveitir. Farþegabáturinn Súlan var einnig sendur á staðinn frá Hofsósi ásamt björgunarsveitarmönnum. Þyrlan tók á loft frá Reykjavíkurflugvelli klukkan 21:09 en skömmu áður barst stjórnstöð Landhelgisgæslunnar upplýsingar um að mennirnir væru komnir í flotgalla. Þeim var svo bjargað um borð í björgunarbát heilum á húfi um þremur korterum eftir að neyðarkallið barst og var aðstoð þyrlunnar þá afturkölluð, segir á lhg.is.
Vísir.is greinir frá því að sjómennirnir hafi hangið utan á stefni trillunnar þegar björgunarsveitarmenn komu að þeim. Þeim hafði tekist að koma sér í björgunargalla og amaði því ekkert að þeim þrátt fyrir að sjór hafi gengið yfir þá.
Eftir því sem fram kemur á Vísi.is amaði ekkert að mönnunum sem voru alveg þurrir þegar þeim var komið í björgunarbátinn, að sögn Ingimundar Ingvarsson í svæðisstjórn björgunarsveita á svæðinu. Þeim var komið til hafnar að Reykjum og þeim síðan ekið til Sauðárkróks.
„Úr því sem komið var fór þetta bara mjög vel,“ segir Ingimundur við Vísi.
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.