Margar íbúðir í byggingu á Hvammstanga
Mikil eftirspurn er nú eftir íbúðalóðum á Hvammstanga eftir langt hlé. Rætt var við Guðnýju Hrund Karlsdóttur, sveitarstjóra í Hunaþingi vestra, í hádegisfréttum Ríkisútvarps í gær og segir hún að síðasta árið hafi mörgum lóðum verið úthlutað en ekki hefur verið byggt íbúðarhús á Hvammstanga í tæpan áratug.
Guðný segir að hlutirnir gerist hratt þessa dagana. „Það eru 18 lóðir sem hefur verið úthlutað og þar af eru flestir annaðhvort byrjaðir, eða búnir að skila inn teikningum. Eru bara í startholunum."
Eftir að gatnagerðargjöld voru felld niður á lóðum sem staðið höfðu tilbúnar frá árinu 2009 hafa flestar þeirra selst og nú eru hafnar framkvæmdir við nýja götu þar sem þegar er byrjað að byggja. „Þetta er bæði fólk sem hefur flutt hingað á síðustu árum og svo er þetta fólk sem hefur verið inni á ættingjum. Og fólk sem hefur líka flutt heim, sem er uppalið hérna," segir Guðný.
Hún telur margar ástæður vera fyrir þessari þróun, m.a. að aukin bjartsýni ríki í samfélagin og skortur sé á leiguhúsnæði. Uppgangur í ferðaþjónustu hafi einnig þau áhrif að fyrirtæki byggi íbúðir fyrir starfsfólk sitt. Einnig fari verð á notuðu húsnæði hækkandi og þannig skapist einhvers konar jafnvægi milli þess sem fólk fær fyrir húsnæði sem það selur og þess sem kostar að byggja. „Þannig að ég á ekki von á öðru heldur en að þetta haldi áfram, þetta sé byrjunin," sagði Guðný Hrund í samtali við RÚV í gær.
Fleiri fréttir
-
Lifandi samfélag – er slagorð Húnaþings vestra
feykir.is Vestur-Húnavatnssýsla 24.04.2024 kl. 08.03Á dögunum var efnt til kosningar á milli fimm tillagna af slagorði fyrir Húnaþing vestra. Slagorðið Lifandi samfélag varð hlutskarpast og hefur sveitarstjórn samþykkt tillöguna. Í tengslum við kosninguna var þátttakendum boðið að skrá netfang sitt og taka þátt í happadrætti. Dregið hefur verið úr pottinum og voru Pálína Fanney Skúladóttir og Hörður Gunnarsson dregin úr pottinum.Meira -
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.