Óskynsamleg uppbygging flugstöðvar í 102 RVK
Ungliðahreyfing Viðreisnar harmar áform Jóns Gunnarssonar, samgönguráðherra, um byggingu nýrrar flugstöðvar í Vatnsmýrinni og segir að slíkar framkvæmdir yrðu fyrst og fremst til þess fallnar að ýta undir sundrung og skotgrafastjórnmál og flækja umræðuna um framtíð flugvallarins enn frekar. Að mati Ungliðahreyfingarinnar er hugmyndin vanhugsuð og á skjön við þarfir og óskir almennings.
Í ályktun ungliðahreyfingarinnar segir að ráðherra nefni þau rök, áformum sínum til stuðnings, að tímabært sé að byggja nýjan og betri flugvöll. Ungliðahreyfingin sýnir þeim sjónarmiðum skilning en beinir athygli ráðherra að því að sátt hefur enn ekki náðst um framtíðarstaðsetningu flugvallarins. Því er varhugavert að verja háum fjárhæðum í uppbyggingu flugstöðvar á þessum tímapunkti. Slíkt er hvorki skynsamleg nýting skattfjár né almannahagsmunum í vil.
Sterk rök eru fyrir því að endurskoða staðsetningu flugvallarins, enda er mikill skortur á húsnæði á höfuðborgarsvæðinu, og þá sérstaklega miðsvæðis. Kannanir hafa ítrekað sýnt að fólk vilji helst búa vestan Elliðaáa, og er uppbygging byggðar í Vatnsmýri því bæði í samræmi við markmið um fjölgun íbúða, umhverfisvernd og vilja kjósenda. Framkvæmdir af
þessu tagi gera fátt annað en að gera stöðuna milli ríkis og borgar erfiðari en nú er og vinna þannig gegn þeirri sátt sem nauðsynlegt er að náist til frambúðar.
Ungliðahreyfing Viðreisnar hvetur því samgönguráðherra til að endurskoða áform sín og huga frekar að lausnum sem eru í takt við framtíðarhagsmuni samfélagsins.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.