Rúnar Már sjóðheitur í svissneska boltanum og settann í sammarann
Króksarinn Rúnar Már Sigurjónsson var á dögunum ekki valinn í landsliðshóp Íslands fyrir komandi verkefni nú í landsliðsglugganum. Hann minnti þó á sig í kjölfarið því um helgina gerði hann glæsimark og lagði upp sigurmark í leik St. Gallen gegn fyrrverandi félögum hans í Grasshoppers í efstu deildinni í Sviss.
Mark Rúnars var einkar glæsilegt. Hann fékk boltann um 30 metrum frá marki eftir misheppnaði aukaspyrnu St. Gallen, lagði boltann fyrir hægri og smellti bylmingsskoti upp í sammarann vinstra megin. Rúnar átti síðan laglega þversendingu inn fyrir vörn Grasshoppers þar sem félagi hans tók við boltanum og skoraði gott mark úr þröngri stöðu. Rúnar hefur í síðustu fjórum leikjum gert þrjú mörk og spilað vel en hann hefur nú á skömmum tíma tvívegis verið valinn í lið umferðarinnar í svissnesku úrvalsdeildinni.
Nú þarf ekki að draga það í efa að hversu svekkjandi það er að detta út úr landsliðshópi Íslands á þessum mest spennandi tíma í sögu íslenskrar knattspyrnu en nú eru tæpir 100 dagar þar til Ísland mætir Argentínu í fyrsta leik sínum á HM í knattspyrnu. Þá verða menn að sýna úr hverju þeir eru gerðir og ná athygli landsliðsþjálfarans með góðri frammistöðu. Það verður varla annað sagt en að Rúnar hafi minnt rækilega á sig.
Hér má sjá markið hans Rúnars >
Hér eru svo helstu atvik leiksins og þ.m.t. stoðsending Rúnars í síðara marki St. Gallen >
St. Gallen er nú í þriðja sæti svissnesku deildarinnar og á í baráttu við öflugt lið Basel um annað sætið í deildinni en það gefur rétt á þátttöku í Meistaradeild Evrópu.
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.