Skagfirðingar sæmdir riddarakrossi
Þrír Skagfirðingar voru á meðal þeirra fjórtán sem sæmdir voru heiðursmerki hinnar íslensku fálkaorðu við hátíðlega athöfn á Bessastöðum í gær, 17. júní. Þeir eru Sigurjón Björnsson, Jón Kristjánsson og Sigurbjörg Björgvinsdóttir.
Sigurjón Björnsson fæddist á Sauðárkróki árið 1926, sálfræðingur, fyrrverandi prófessor við Háskóla Íslands, rithöfundur og þýðandi. Hann hlaut riddarakross fyrir framlag til sálarfræði og fornfræða.
Jón Kristjánsson er fæddur í Stóragerði í Óslandshlíð í Skagafirði 11. júní 1942. Hann var alþingismaður Austurlands 1984–2003, alþingismaður Norðausturkjördæmis 2003–2007, heilbrigðis- og tryggingamálaráðherra 2001–2006 og félagsmálaráðherra 2006. Jón hlaut riddarakross fyrir störf í opinbera þágu.
Sigurbjörg Björgvinsdóttir fæddist á Fyrir-Barði í Fljótum í Skagafirði 1941. Hún var forstöðumaður félagsheimilisins Gjábakka og síðar Gullsmára í Kópavogi. Sigurbjörg hefur starfað mikið að félagsmálum og hefur átt sæti m.a. í Svæðisráði fatlaðra á Reykjanesi og í framkvæmdastjórn Árs aldraðra. Sigurbjörg hlaut riddarakross fyrir störf í þágu aldraðra
Aðrir orðuþegar eru:
Anna Agnarsdóttir prófessor, Seltjarnarnesi, riddarakross fyrir framlag til sagnfræðirannsókna
Auður Axelsdóttir iðjuþjálfi, Reykjavík, riddarakross fyrir frumkvæði á vettvangi geðheilbrigðismála
Bára Magnúsdóttir skólastjóri, Kópavogi, riddarakross fyrir framlag á sviði danslistar og líkamsræktar
Eyrún Jónsdóttir hjúkrunarfræðingur, Garðabæ, riddarakross fyrir störf í þágu þolenda kynferðisofbeldis
Jónatan Hermannsson jarðræktarfræðingur og fyrrverandi tilraunastjóri við Landbúnaðarháskóla Íslands, Seltjarnarnesi, riddarakross fyrir framlag til
kornræktar og íslensks landbúnaðar
Róbert Guðfinnsson forstjóri, Siglufirði, riddarakross fyrir störf í þágu heimabyggðar
Sigrún Stefánsdóttir dósent við Háskólann á Akureyri og fyrrverandi fréttamaður, Akureyri, riddarakross fyrir störf á vettvangi íslenskra fjölmiðla
og fræðasamfélags
Sigurgeir Guðmannsson fyrrverandi framkvæmdastjóri, Reykjavík, riddarakross fyrir störf á vettvangi íslenskrar íþróttahreyfingar
Tryggvi Ólafsson myndlistarmaður, Reykjavík, riddarakross fyrir framlag til íslenskrar myndlistar
Unnur Þorsteinsdóttir framkvæmdastjóri, Reykjavík, riddarakross fyrir framlag á vettvangi erfðarannsókna og vísinda
Víkingur Heiðar Ólafsson píanóleikari, Reykjavík, riddarakross fyrir framlag til íslenskrar og alþjóðlegrar tónlistar.
Uppfært: Upphaflega var sagt frá tveimur Skagfirðingum í fréttinni en síðar var fréttin uppfærð og þriðja Skagfirðingnum bætt við.
Feykir óskar öllum riddarakrossþegum til hamingju.
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.