Stefán Logi ráðinn framkvæmdastjóri Steinullar
Í sumar var auglýst staða framkvæmdastjóra Steinullar en Einar Einarsson, sem hefur verið framkvæmdastjóri um áraraðir, lætur senn af störfum. Nú hefur verið ráðið í stöðuna og ljóst að Stefán Logi Haraldsson mun taka formlega við sem framkvæmdastjóri eigi síðar en 1. apríl á næsta ári.
Árið 1999 hóf Stefán Logi störf hjá Vírneti og tók síðan við sem framkvæmdastjóri hjá sameinuðu Límtré Vírneti í Borgarnesi árið 2004. Árin 1987 til 1999 starfaði hann sem fjármálastjóri hjá Steinull, að undanskildu einu ári (sept. 1997 til sept. 1998) sem hann starfaði hjá sænska fyrirtækinu Paroc í Svíþjóð. Þá sat hann í stjórn Steinullar árin 2000 og 2001. Stefán er Samvinnuskólagenginn rekstrarfræðingur og hefur lokið fjölda námskeiða í stjórnun og stefnumótun erlendis og hérlendis..
Stefán er ættaður úr Fljótunum og tók þátt í bæjarpólitíkinni á Króknum á sínum tíma og var formaður knattspyrnudeildar Tindastóls. Hann er giftur Ingu S. Baldursdóttur og þau eiga fjögur uppkomin börn.
Að sögn Marteins Jónssonar, stjórnarformanns Steinullar hf, þá sóttu þrjátíu manns um stöðu framkvæmdastjóra og margir mjög góðir sem sýndu starfinu áhuga. Einar Einarsson, núverandi framkvæmdastjóri Steinullar, hóf störf sem framleiðslustjóri Steinullarverksmiðjunnar 1984 eða ári áður en hún tók til starfa. Hann tók við stöðu framkvæmdastjóra 1. september 1988.
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.